Dukja e Oscarit vjen nga trupi i një asistenti që pozoi nudo

Statuja Oscar – ikona prej ari, është projektuar në letër nga Cedric Gibbons, dhe transformuar në një skulpturë nga artisti George Stanley.

Gibbons, i lindur në Irlandë, ishte një prej dizajnuesve më me ndikim në Hollywood. Si djalë i një arkitekti, besohet se ai ka qenë i vetmi projektues në Hollywood që udhëtoi në Paris në vitin 1925 për të vizituar format e ndryshme të artit që gjendeshin atje.

Një deklaratë interesante e ka dhënë gruaja e tij, aktorja meksikane Dolores del Rio, sipas të cilës, shoku i saj, Emilio Fernandez, një asistent në Hollywood, kishte pozuar nudo për George Stanleyn që i kishte shërbyer si model për statujën. Diçka e tillë i shton ekzotizëm historisë së Oscar.

Nëse historia e Emilio Fernandez është disi e paprovuar, emri ‘Oscar’ mbetet akoma një mister. Zyrtarisht, statuja quhet Çmimi Akademik i Meritës, por të gjithë në Hollywood e njohin si Oscar që nga viti 1934. Vetë Akademia iu përshtat këtij emri në vitin 1939.

Historia më e mundshme është se kur ish-drejtoresha e Akademisë, Margaret Herrick, e pa për herë të parë statujën, ajo tha se ngjante si xhaxhai i saj, i cili e kishte emrin Oscar.

Ka pasur edhe pretendime të tjera për emrin në atë kohë, përfshirë atë se Bette David e pagëzoi me emrin e bashkëshortit të saj të parë, Harmon Oscar Nelson. /Telegrafi/