Drejtori sportiv i Tottenham, Paratici: E njoh Conte, kemi punuar te Juventusi, ai do t’i sjell suksese skuadrës

Tottenham ka zyrtarizuar italianin Antonio Conte në postin e trajnerit, pas largimit të Nuno Espirito Santo.

Klubi bëri njoftimin sot, duke shtuar se Conte do të drejtojë “Gjelat” deri në qershor të vitit 2023.

Pas marrjes së detyrës, Conte u shpreh tejet i entuziazmuar me projektin e ri, ndërsa përsëri do të punojë me Fabio Paraticin, me të cilin kishte punuar tre vite te gjiganti italian, Juventus.

✍️ We are delighted to announce the appointment of Antonio Conte as our Head Coach on a contract until the summer of 2023, with an option to extend.

— Tottenham Hotspur (@SpursOfficial) November 2, 2021

Drejtori sportiv i Tottenhamit, Paratici, ka thënë se Conte me kualitetet e tij mund t’i sjellë suksese skuadrës nga Liga Premier.

“Historia e Contes flet vet, me një eksperiencë të madhe dhe trofe të fituar në Itali dhe në Angli”.

“I njoh shumë mirë kualitetet të cilat Antonio mund t’i sjellë te ne, kam punuar me të te Juventusi, dhe mezi pres që të punojë me të këtu”, ka thënë Paratici.

Buongiorno Antonio… pic.twitter.com/26wgcdcYED

— Tottenham Hotspur (@SpursOfficial) November 2, 2021

Conte merr drejtimin e skuadrës së Tottenham në xhiron e 10 të Ligës Premier, ku e gjen atë në pozitën e nëntë në tabelë me gjithsej 15 pikë.

Spurs kanë 5 fitore dhe 5 humbje të regjistruara. /Telegrafi/