Drejtori sportiv i Juventusit, Paratici: Ronaldo e ofroi veten te ne

Drejtori i Juventusit, Fabio Paratici konfirmoi se Cristiano Ronaldo e ofroi veten te Zonja e Vjetër nëpërmjet agjentit Jorge Mendes gjatë bisedimeve për Joao Cancelon.

Mendes kishte dhënë tashmë një version të ngjashëm të ngjarjeve këtë javë, duke vënë në dukje se ideja origjinale erdhi nga fituesi i Topit të Artë në janar.

“Kur u takuam me Mendes për të diskutuar për Cancelon, është vendi ku filloi e gjithë puna”, ka thënë fillimisht drejtori sportiv Paratici për Sky Sport Italia.

Lexo po ashtu Agjenti: Ronaldo e ka dashur vetëm Juventusin

“Mendes më tha: Ju nuk do ta besoni këtë, por Cristiano dëshiron të vijë te Juventusi”.

“Unë u përgjigja se unë e besoja këtë, por dukej e vështirë të bëja çdo gjë që të bashkohej dhe të punonte me ne”.

Bardhezinjtë përfundimisht arritën një marrëveshje me vlerë mbi 100 milionë euro për të sjellë Cristiano Ronaldon në Torino dhe askush nuk ishte më i lumtur se djali i Paratici.

Lexo po ashtu Ronaldo në histori të Juventusit, thyen rekordin 50 vjeçar

“Lojtarët më të mëdhenj ndihmojnë fëmijët të ëndërrojnë. Djali im donte fanellën e Cristiano Ronaldos, kështu që kur shkoja për të parë një lojë të Portugalisë, ia bleva dhe ai e veshte gjithë kohën”.

“Çdo vit ai më pyeste:” Babi, pse nuk e blejmë Cristiano Ronaldon? Sepse është e pamundur. Pastaj kur ndodhi, ai tha: “Babi, ti më the se kjo ishte e pamundur!” Nuk kisha asnjë përgjigje”, përfundoi Paratici. /Telegrafi/