0Shares

Liria ka arritur që ditë më parë të kryejë gjithë procedurat lidhur me angazhimin e futbollistëve, David Domgjoni e Alush Gavazaj.

Derisa Gavazaj ka arritur te Liria si lojtar i lirë nga Peshkopia, Domgjoni është huazuar nga Tirana deri në përfundim të stinorit 2017/2018, shkruan në njoftimin e klubit në Facebook.

“Shpresojmë që me përvojën e fituar në kampionatin shqiptar të ndihmojmë Lirinë , në arritjen e objektivave”, ka thënë Domgjoni.

Liria merr edhe Domgjonin nga Tirana Liria merr edhe Domgjonin nga Tirana

Ndërkaq, Gavazaj, i cili ka një përvojë të konsiderueshme po në Shqipëri (ka luajtur te Tirana, Bylysi, Tërbuni dhe Korabi), po ashtu shprehet optimist për angazhimin e tij.

“Besoj që me punën që po bëjmë si dhe me përvojën e arritur në Shqipëri të ndihmoj Lirinë në fitimin e trofeve”, është shprehur ai.

Lidhur me angazhimin e tyre, Bledi Shkëmbi ka thënë: “I njoh që të dy nga klubet shqiptare. Mirëpo, ata duhet të punojnë shumë për të kapur rastin dhe për t’u dëshmuar”.

Që të dy futbollistët janë të licencuar dhe kanë të drejtë loje ndaj Prishtinës, në ndeshjen që zhvillohet të shtunën në Drenas. /Telegrafi/

Të Ngjajshme
Shfaq Komentet (0)