LAJMI I FUNDIT:

Disa emra befasues pritet të rikthehen te Chelsea sezonin e ardhshëm, Armando Broja në listë

Disa emra befasues pritet të rikthehen te Chelsea sezonin e ardhshëm, Armando Broja në listë

Skuadra e Chelseat mund të ketë një pamje shumë ndryshe dhe befasuese sezonin e ardhshëm, pasi qeveria e Mbretërisë së Bashkuar shpalli sanksione kundër pronarit rus, Roman Abramovich.

Pronari i Chelseat, Abramovich po kërkonte të shiste klubin e Ligës Premier, pas pushtimit rus të Ukrainës, por sot (e enjte) kjo situatë ndryshoi.


Abramovich tani është vendosur nën sanksione nga Britania e Madhe, që do të thotë se ai nuk mund të shesë klubin dhe, ndërsa skuadra mund të vazhdojë të luajë, kjo do të ndikojë në skuadër.

Asnjë lojtar nuk mund të blihet, madje as të nënshkruajë një kontratë të re, dhe as ata nuk mund të shiten, që do të thotë se Thomas Tuchel do të duhet të mjaftohet me skuadrën e tij aktuale. Kjo do të thotë gjithashtu se lojtarët që janë aktualisht në huazim do të kthehen në Stamford Bridge vitin e ardhshëm.

Chelsea përballet me të ardhme të pasigurt - Britania e Madhe ngrin pasuritë e Abramovichit, rusi nuk mund të shesë klubin
Lexo po ashtu Chelsea përballet me të ardhme të pasigurt - Britania e Madhe ngrin pasuritë e Abramovichit, rusi nuk mund të shesë klubin

Përderisa lojtarë si Connor Gallagher, Billy Gilmour dhe Armando Broja mund të priten me krahë hapur, ka disa emra që tifozët nuk do të kishin pritur domosdoshmërisht.

Në mbrojtje, Ethan Ampadu, Emerson Palmieri, Matt Miazga dhe Baba Rahman mund të kthehen të gjithë pas huazimit, gjë që në fakt mund t’i ndihmojë Blutë shumë.

Antonio Rudiger, Cesar Azpilicueta dhe Anders Christiansen janë të gjithë pa kontrata në verë dhe nën sanksionet aktuale Blutë nuk mund t’i mbajnë ose zëvendësojnë ata.

Në mesfushë, Gallagher dhe Gilmour sigurisht që mund të jenë të dobishëm, veçanërisht duke marrë parasysh formën e të parit derisa është i huazuar në Crystal Palace këtë sezon.

Danny Drinkwater dhe Tiemoue Bakayoko gjithashtu mund të kthehen në skuadër, por kontrata e anglezit është një nga ato që skadon dhe huazimi i Bakayoko në Milan është deri në vitin 2023.

Broja ka qenë në formë mbresëlënëse për Southampton si huazim këtë sezon, me sulmuesin shqiptar që ka shënuar gjashtë herë në kampionat dhe Saint’s mund të kishin dashur ta mbanin edhe për një vit tjetër ose ta nënshkruanin përgjithmonë, nëse do të mundeshin.

Të gjitha lajmet rreth Armando Brojës
Lexo po ashtu Të gjitha lajmet rreth Armando Brojës

20-vjeçari nuk është i vetmi sulmues që mund të rikthehet në Londër, me Michy Batshuayi gjithashtu i vendosur të rikthehet, pasi nënshkroi një kontratë të re deri në vitin 2023 përpara se t’i bashkohej Besiktasit në huazim për këtë sezon.

Skuadra e Tuchel pritej të sfidonte për titullin këtë sezon, por, pasi fillimisht e bënë të dukej si një garë me tre skuadra, forma e tyre ra.

Ai pa dyshim do të kishte nevojë dhe donte përforcime në verë, megjithatë tani do t’i duhet të mjaftojë me një mori të huazimeve të rikthyer. /Telegrafi/

Në trend Sport

Më shumë
U raportua se ka blerë shtëpinë e Sergio Ramos në Madrid, por Mbappe ka marrë atë të legjendës tjetër të Realit

U raportua se ka blerë shtëpinë e Sergio Ramos në Madrid, por Mbappe ka marrë atë të legjendës tjetër të Realit

La Liga
Sylvinho nuk e ftoi Myrto Uzunin në Euro, vjen reagimi i Granadas

Sylvinho nuk e ftoi Myrto Uzunin në Euro, vjen reagimi i Granadas

Kombëtarja e Shqipërisë
Pengu i Sylvinhos për Euro 2024 është që nuk mund ta marrë një lojtar që ka pësuar lëndim së fundmi

Pengu i Sylvinhos për Euro 2024 është që nuk mund ta marrë një lojtar që ka pësuar lëndim së fundmi

Kombëtarja e Shqipërisë
Real Madrid dëshiron që ylli i Man Cityt të zëvendësojë Toni Kroosin

Real Madrid dëshiron që ylli i Man Cityt të zëvendësojë Toni Kroosin

La Liga
Ylli i Man United konfirmon largimin e tij nga klubi me një deklaratë emocionuese

Ylli i Man United konfirmon largimin e tij nga klubi me një deklaratë emocionuese

Premier League
Surpriza më e madhe në listën e Shqipërisë: Kush është Medon Berisha, i ftuari

Surpriza më e madhe në listën e Shqipërisë: Kush është Medon Berisha, i ftuari "special" i Sylvinhos për Euro 2024

Kombëtarja e Shqipërisë
Kalo në kategori