Di Maria dhuron spektakël me het-trik, Juventusi mposht Nantesin për të kaluar tutje

Juventusi ka shënuar fitore si mysafir ndaj Nantes me rezultat 3-0 në kuadër të ndeshjes play-off të Ligës së Evropës.

Ndeshja e parë e zhvilluar në ‘Allianz Stadium’ ishte mbyllur në barazim 1-1.

Zonja e Vjetër arriti ta zhbllokojë ndeshjen që në start të saj, kur Nicolo Fagioli pasoi te Angel Di Maria në krahun e djathtë të sulmit e argjentinasi me një goditje më të parën shënoi super gol për 1-0.

en büyük o mu bilmiyorum ama çok büyük;Angel Di Maria 👑 pic.twitter.com/nPbUtxxoTI

— Zeynep (@Zeynep_oztkn) February 23, 2023

Nuk vonoi shumë dhe Juventusi shënoi edhe golin e dytë dhe largoi dilemat për fituesin.

Në minutën e 17-të, sërish një solo aksion i Di Marias, i cili futet në zonë, duke vallëzuar me mbrojtjen e Nantes, përfiton nga një pakujdesi e portierit, gjuan me thembër, por një lojtar i vendasve e ndal topin me dorë.

Gjyqtari akordoi penallti dhe mbrojtësi Nicolas Palloisi u ndëshkua me karton të kuq, pasi ndali një  gol të sigurt. Nga pika e bardhë gjuajti Di Maria i cili ishte i saktë për 2-0.

Në pjesën e parë Juventusi kishte edhe dy raste të tjera për të shënuar, por nuk ishin të saktë.

64' | 🔁 | Double substitution ⚪️⚫️

➡️ Vlahović, Cuadrado
⬅️ Kean, De Sciglio#NANJUV #UEL pic.twitter.com/wgPqEvSL8C

— JuventusFC 🇬🇧🇺🇸 (@juventusfcen) February 23, 2023

Edhe në pjesën e dytë, Juventusi kishte më shumë nga loja, me Juan Cuadradon dhe Alex Sandron, që kishin mundësi të mira për të shënuar, por rezultati nuk ndryshoi.

Por në minutën e 78-të, Angel Di Maria kompletoi het-trikun me një goditje me kokë, pas një tollovie në zonë (3-0).

𝐆𝐎𝐀𝐋 | 𝖭𝖺𝗇𝗍𝖾𝗌 0-3 𝖩𝗎𝗏𝖾𝗇𝗍𝗎𝗌 (𝖣𝗂 𝖬𝖺𝗋𝗂𝖺) pic.twitter.com/CPXo4LzDH9

— EuroFoot (@eurofootcom) February 23, 2023

Deri në fund nuk kishte më gola dhe Juventusi me rezultat të përgjithshëm prej 4-1 kaloi tutje. /Telegrafi/