Dhjetë yjet e mëdha që debutuan me 16 vjet: Maldini, Hazard, Totti e Pirlo e nisin si fëmijë për tu kthyer në legjenda

Në moshën 16 vjeçare, nuk mund të kesh patentë shoferi, por mund të jesh kampion bote në garat me motor.

Në moshën 16 vjeçar, mund edhe të debutosh në elitën e futbollit botëror në Camp Nou.

Iu deshën 12 minuta që Ansu Fati t’i bënte të gjithë të flisnin për të, duke i harruar nënshkrimet e mëdha që erdhën në Camp Nou.

Sulmuesi nga Guinea-Bissau hyn në mesin e shumë yjeve të njohura që kanë debutuar si 16 vjeçar.

Në këtë galeri janë emri si Kylian Mbappe, Eden Hazard, Francesco Totti apo Andrea Pirlo.

Kylian MBAPPE

Mbappe e nisi me 16 vjet, 11 muaj dhe 12 ditë. Ai debutoi në 2 dhjetor 2015 në ndeshjen Monaco-Caen (1-1).

Ai hyri në fushë në minutën e 88-të duke zëvendësuar Fabio Coentrao. Katër vjet më vonë, francezi është yll i futbollit dhe kampion bote.

Eden HAZARD

Belgu debutoi me 16 vjet, 10 muaj dhe 17 ditë. Dita e tij e madhe erdhi në 24 nëntor 2007 në ndeshjen Nancy-Lille (2-0).

Ai hyri në minutën 78. Sot është pjesë e Real Madridit, ndërsa ka luajtur te disa vite te Chelsea.

Wayne ROONEY

Legjenda angleze bëri debutimin me 16 vjet, 9 muaj dhe 24 ditë. Në vitin 2002, Wayne Rooney pëlqente të hipte në biçikletë dhe të shëtiste në qytetin e Liverpoolit, para se të shkonte të stërvitej me Evertonin. Më 17 gusht të atij viti ai debutoi në Ligën Premier kundër Tottenhamit (2-2).

Pas asaj ndeshje, pjesa tjetër histori.

Francesco TOTTI

Debutoi me 16 vjet, 6 muaj e një ditë për tu bërë ikonë e Giallorosëve. Më 28 mars 1993, ylli i ri debutoi në ndeshjen Brescia-Roma (0-2).

Ishte disa e parë e karrierës së një lojtari me shumë fantazi, një gjeni që më vonë e fitoi edhe Kupën e Botës 2006.

Pavarësisht ofertave të shumta Totti preferoi të ishte gjithmonë i Romës.  Kapiteni legjendar i Romës i dha fund  karrierës në vitin 2017.

Andrea PIRLO

Pirlo debutimin e bëri me 16 vjet e 2 ditë. Ndeshja e tij e parë erdhi më 21 maj 1995 në duelin mes Reggiana-Brescia (2-0).

Pas Brescias, mesfushori luajti te Inter, Reggina, Milan,Juventus dhe e përfundoi karrierën në MLS te New York City.

Ai ishte truri i skuadrës italiane që e fitoi Kupën e Botës 2006 në Gjermani.

Paolo MALDINI

Pasardhës i babait të tij Cesare, Paolo debutoi me Milanin me 16 vjet, 6 muaj e 25 ditë. Ndeshja e parë ishte me 20 Janar 1985 në përballjen Udinese-Milan (1-1).

Maldini nuk luajti me asnjë fanellë tjetër përveç Milanit. Ai doli në pension në vitin 2009 duke u konsideruar si një nga mbrojtësit më të mirë të të gjitha kohërave.

Nicolas ANELKA

Francezi ndeshjen e parë si profesionist e zhvilloi me 16 vjet, 10 muaj dhe 24 ditë. Ai debutoi në 7 shkurt 1996 në një ndeshje mes Monaco-PSG (1-0).

Sulmuesi i atëhershëm luante me skuadrën parisiene dhe u fut në lojë në minutën e 80.

Arjen ROBBEN

Anësori fantastik nga Holanda bëri debutimin e tij me 16 vjet, 10 muaj dhe 10 ditë. Ai e nisi me 3 dhjetor 2000 në një takim mes Waalwijk dhe Groningen, ekipi i tij i parë.

Ndeshja përfundoi 0-0 dhe Robben u fut në minutën 77 në lojë.

Robben pati një karrierë fantastike duke luajtur për skuadra të mëdha si Chelsea, Real Madrid e Bayern Munich ku edhe e përfundoi karrierën në vitin 2019.

Clarence SEEDORF

Një tjetër ‘tulipan’ që debutoi me 16 vjet, 7 muaj dhe 27 ditë dhe la gjurmë në futbollin modern. Ndeshja e tij e parë në Eredivisie erdhi më 28 nëntor 1992 në përballjen Groningen-Ajax (0-3).

Van Gaal e futi në lojë në minutën e 76-të të atij takimi.

Tri vite më vonë Seedorf u largua nga Ajaxi për të luajtur për skuadra të mëdha si Sampdoria, Real Madrid, Inter, Milan dhe karrierën e mbylli te Botafogo në Brazil.

Ruud GULLIT

Ruud Gullit është një tjetër holandez që ka debutuar me 16 vite, 11 muaj dhe 18 ditë. Për të ndeshja e parë ishte me 19 gusht 1979. Skuadra e tij, Haarlem, luajti me Maastricht (2-2).

Ai u bë një nga lojtarët më të njohur në botë, duke luajtur për ekipe të mëdha si Feyenoord, PSV, Milan, Sampdoria dhe Chelsea në fund të karrierës së tij.

Një lojtar spektakolar, me një fizikan atomik, i cili mbretëroi në Evropë kur luante te Milan. Fitoi Kampionati Evropian me Holandën. /Telegrafi/