Del në ankand për një shumë stratosferike kontrata e parë e Messit te Barcelona
Peceta që Lionel Messi përdori për të nënshkruar kontratën e tij të parë me Barcelonën do të shitet në një ankand online me çmimin fillestar që thuhet se është vendosur në 380,000 dollarë.
Copa historike është aktualisht e ekspozuar në Shtëpinë e Ankandeve Bonhams në Nju Jork dhe është vendosur të dalë në ankand midis 18 dhe 27 marsit.
Lionel Messi u transferua te Barcelona në vitin 2000, për t’u futur në akademinë e tyre. Agjentin argjentinas Horacio Gaggioli e solli superyllin e ri në vëmendjen e drejtorit sportiv të Barçës, Carles Rexach, por negociatat ishin të ngadalta për shkak të shqetësimeve të klubit për gjatësinë e tij, moshën e re dhe faktin se ai nuk ishte evropian.
Duke kujtuar rrethanat e pabesueshme gjatë një takimi të drekës me drejtuesit e klubit, babai i argjentinasit, Jorge Messi: “Rexach, duke kuptuar se gjërat kishin arritur në një moment vendimtar, nxori një pecetë dhe e vendosi mbi tavolinë … dhe filloi të shkruante”.
Jorge dhe Gaggioli u siguruan nga avokatët e tyre se peceta do të ishte një dokument ligjërisht i vlefshëm dhe kështu filloi një partneritet që do të ndryshonte rrjedhën e historisë së futbollit.
Marrëveshja për pecetën, e shkruar me stilolaps blu: “Në Barcelonë, më 14 dhjetor 2000 dhe prezencën e zotërinjve (Josep) Minguella dhe Horacio (Gaggioli), Carles Rexach, drejtori sportiv i FC Barcelona , pranon, nën përgjegjësinë e tij dhe pavarësisht nga çdo opinion kundërshtues, të nënshkruajë lojtarin Lionel Messi, me kusht që të mbajmë shumat e dakorduara”.
Sulmuesi argjentinas bëri debutimin e tij me ekipin e parë në vitin 2004 dhe shijoi një karrierë të shkëlqyer 17-vjeçare në Camp Nou të ngarkuar me gola, asistime dhe fitime. Ai grumbulloi 672 gola dhe 303 asistime në 778 paraqitje për Blaugranasit. Messi i ndihmoi ata të fitonin katër Liga të Kampionëve, 10 tituj të La Ligës dhe shtatë Copas del Rey, ndër disa suksese të tjera. /Telegrafi/
Lufta Prigozhin - Putin
Më shumëVedat Muriqi afër rikthimit në Turqi, pritet ta zëvendësojë yllin e madh
Real Madridi merr vendim për të ardhmen e Modric dhe Kroos
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Sulmuesi adoleshent pritet të zëvendësojë Vitor Roque sezonin e ardhshëm - kush është ai?
Zyrtare: Bundesliga me pesë skuadra në Champions duke iu falënderuar Dortmundit
Pse Jamal Musiala vendosi të mos përfaqësojë Anglinë në nivel të lartë, duke përzgjedhur më pas Gjermaninë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit