LAJMI I FUNDIT:

“I dashur basketboll”, filmi i shkurtër me të cilin Bryant kaloi kufijtë e sportit duke fituar Oscar

“I dashur basketboll”, filmi i shkurtër me të cilin Bryant kaloi kufijtë e sportit duke fituar Oscar
Kobe Bryant dhe Glen Keane (Foto: Kevin Winter/Getty Images/Guliver)

Pos që ishte një prej basketbollistëve më të mëdhenj në histori, Kobe Bryant e vazhdoi suksesin e tij edhe në fushën e kinematografisë.

Në vitin 2017, ai bashkëpunoi me animatorin Glen Keane për realizmin e filmit të shkurtër të titulluar “Dear Basketball”, i cili një vit më pas e fitoi çmimin Oscar në kategorinë e filmit të shkurtër të animuar.

Legjenda e NBA humbi jetën një aksident ajror kur helikopteri i tij privat i rrëzua në afërsi të Los Angelesit, derisa ai, vajza e tij dhe shtatë persona të tjerë, po shkonin për të zhvilluar një ndeshje stërvitore të basketbollit.

(Foto: Matt Petit/A.M.P.A.S via Getty Images/Guliver)
"Coco" është filmi më i mirë i animuar, Kobe Bryant fiton Oscar me "Dear Basketball" për filmin e shkurtë të animuar
Lexo po ashtu "Coco" është filmi më i mirë i animuar, Kobe Bryant fiton Oscar me "Dear Basketball" për filmin e shkurtë të animuar

“Dear Basketball” është letra lamtumirëse e tij para pensionimit nga basketbollit, ndërsa në filmin e animuar që zgjat pesë minuta, ai e ka huazuar edhe zërin.

Në letër, Bryant flet për fëmijërinë dhe sakrificat që i ka bërë për të arritur majat e këtij sporti. Më poshtë, mund ta lexoni letrën e plotë në shqip:


I dashur Basketboll,

Nga momenti kur fillova t’i mbështillja çorapet e babait dhe të bëja gjuajtje imagjinare fituese në ‘Great Western Forum’, e dija s enjë gjë është e vërtetë: ‘U dashurova me ty’. Një dashuri aq e thellë që të dhashë gjithçka – që nga mendja dhe trupi e deri te shpirti.

Si një djalë gjashtëvjeçar, i dashuruar thellë me ty, kurrë nuk e pashë fundin e tunelit. Thjesht e shihja veten duke dalë nga një i tillë. Kështu që vrapova. Vrapova lart e poshtë nëpër parket pas çdo topi të humbur për ty. Kërkove nxitjen time, ta dhashë zemrën, sepse erdhi me shumë më tepër.

Kam luajtur me djersë dhe dhimbje, jo sepse sfida më ftoi, por sepse më ftove TI. Bëra gjithçka për TY, sepse këtë e bën kur diçka të bën të ndihesh gjallë, ashtu si më ke bërë ti të ndihem.

Ia dhe një djali gjashtëvjeçar ëndrrën e Lakers dhe gjithmonë do të të dua për këtë. Por, nuk mund të të dua më shumë me obsesion. Ky sezon është gjithçka që më ka mbetur të jap. Zemra ime mund ta durojë goditjen, mendja ime mund ta përballojë presionin, por trupi im e di se është koha të them lamtumirë.

Dhe është në rregull. Jam i gatshëm të të lë. Dua ta dish tash, kështu që të dy ta shijojmë çdo moment që na ka mbetur bashkë. Të mirë dhe të keq. I kemi dhënë njëri-tjetrit gjithçka që kemi.

Dhe të dy e dimë, se pavarësisht se çfarë do të bëj në të ardhmen, gjithmonë do të jem ai fëmijë me çorapet e mbështjella, koshin e plehrave në skaj, :05 sekonda të mbetura, topin në duart e mia.

5 … 4 … 3 … 2 … 1

Gjithmonë do të të dua
Kobe


/Telegrafi/

Në trend Magazina

Më shumë
U tha se kërkoi 600 mijë euro për të prezantuar, Arbana Osmani thyen heshtjen - flet për herë të parë për atë që ndodhi me Big Brother VIP

U tha se kërkoi 600 mijë euro për të prezantuar, Arbana Osmani thyen heshtjen - flet për herë të parë për atë që ndodhi me Big Brother VIP

Magazina
Modelja ndan përvojën e tmerrshme në Maldive, tregon se çfarë u ndodhi gjatë pushimeve të shtrenjta

Modelja ndan përvojën e tmerrshme në Maldive, tregon se çfarë u ndodhi gjatë pushimeve të shtrenjta

Magazina
Zbulohet arsyeja pse Kate Middleton e dha e vetme mesazhin për sëmundjen e kancerit, pa prezencën e Princit William

Zbulohet arsyeja pse Kate Middleton e dha e vetme mesazhin për sëmundjen e kancerit, pa prezencën e Princit William

Magazina
Ka pasuri prej 350 milionë dollarësh, Will Smith: Në moshën 50 vjeçare, kuptova që paratë nuk mund të të bëjnë të lumtur

Ka pasuri prej 350 milionë dollarësh, Will Smith: Në moshën 50 vjeçare, kuptova që paratë nuk mund të të bëjnë të lumtur

Magazina
Rike Roçi 'nxjerr zbuluar' produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia

Rike Roçi 'nxjerr zbuluar' produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia

Magazina
Sin Boy sulmohet brutalisht në një sallon bukurie, teksa po hynte 'live' në TikTok?

Sin Boy sulmohet brutalisht në një sallon bukurie, teksa po hynte 'live' në TikTok?

Magazina
Kalo në kategori