Golden State Warriors ka pësuar humbje befasuese para adhuruesve të vet nga Dallas Mavericks.

Kampionët në fuqi të NBA janë demoluar para tifozëve të tyre pasi kanë pësuar humbje me 35 pikë diferencë 91:126.

Luka Doncic ishte më meritori për këtë fitore të Mavericks duke arritur ‘Triple Double’ me 23 pikë, 10 asistime e 11 kërcime.

Paraqitje të shkëlqyer pati edhe Dirk Nowitzki me 21 pikë e pesë kërcime, ndërsa me pikë dyshifrore ndeshjen e mbyllen edhe Broekhoff 17, Kleber 16, Burke 13 dhe Brunson me 11 pikë.

Kevin Durant te vendasit ishte më efikasi me 25 pikë të shënuara, por që nuk mjaftuan për fitore.

Humbje befasuese ka pësuar edhe Philadelphia 76ers në udhëtim tek Atlanta Hawks me dy pikë epërsi 129:127.

Trae Young me 32 pikë dhe Prince me 23 të tjera ishin më meritoret për këtë fitore të Hawks. /Telegrafi/ Rezultatet:

Charlotte Hornets – Boston Celtics 124:117

Washington Wizards – Miami Heat 108:113

Atlanta Hawks – Philadelphia 76ers 129:127

Chicago Bulls – Utah Jazz 83:114

Memphis Grizziles – Minnesota Timberwolves 99:112

Golden State Warriors – Dallas Mavericks 91:126

Portland Trail Blazers – Detroit Pistons 117:112

Sacramento Kings – Phoenix Suns 112:103

NBASport
telegrafi sport app