Vjen reagimi i Ronaldos ndaj organizatorit të Topit të Artë: Ai gënjeu, përdori emrin tim për ta promovuar evenimentin
Cristiano Ronaldo ka reaguar ndaj organizatorit të Topit të Artë, i cili kishte deklaruar se “ambicia e vetme” e superyllit portugez ishte që ta përfundojë karrierën me më shumë Topa të Artë sesa Lionel Messi.
Futbollisti i Manchester Unitedit (36 vjeçar) e ka fituar pesë herë trofeun presitgjioz, derisa ai i Paris Saint-Germainit (34 vjeçar) gjashtë herë dhe është favorit për të shtatin.
Kryeredaktori i France Football, Pascal Ferre, kishte thënë për NewYork Times se ambicia e vetme e CR7 ishte që të pensionohej me më shumë Topa të Artë sesa superylli argjentinas dhe për këtë e citonte portugezin.
Dhe nuk ka munguar reagimi i Ronaldos, i cili ka bërë një postim në rrjetet sociale duke i konsideruar gënjeshtra këto pohime dhe duke thënë se gjithmonë e ka mbrojtur sjelljen sportive.
View this post on Instagram
“Rezultati i sotëm shpjegon pse Pascal Ferre deklaroi në javën e kaluar, kur tha se ia kam pohuar atij se ambicia ime e vetme është që ta përfundoj karrierën me më shumë Topa të Artë sesa Lionel Messi. Pascal Ferre gënjeu, ai e përdori emrin tim që ta promovojë vetveten dhe ta promovojë mediumin për të cilin punon”.
“Është e papranueshme që një person përgjegjës për ndarjen e një çmimi aq prestigjioz mund të gënjejë në këtë mënyrë, me një mosrespekt absolut për dikë që gjithmonë e ka respektuar France Football dhe Topin e Artë”.
“Ndërsa gënjeu sërish sot, duke e arsyetuar mungesën time në gala me një karantinë të supozuar që nuk ka arsye të ekzistojë. Gjithmonë dua t’i uroj ata që fitojnë, me anë të sjelljes sportive dhe lojës së ndershme që më ka udhëhequr në karrierë që nga fillimi dhe këtë e bëj sepse nuk jam kundër askujt”.
“Unë gjithmonë fitoj për vetveten dhe klubet që i përfaqësoj, fitoj për veten dhe për ata që më duan. Nuk fitoj kundër askujt. Ambicia më e madhe në karrierën time është që të fitoj tituj shtetërorë dhe ndërkombëtarë për klubet që i përfaqësoj dhe për ekipin tim kombëtar”.
“Ambicia më e madhe në karrierën time është që të jem shembull për ata që janë ose duan të bëhen futbollistë profesionistë. Ambicia më e madhe në karrierën time është që ta lë emrin tim të shkruar me shkronja të arta në historinë e futbollit botëror”.
“Do ta mbyll duke thënë se fokusi im është te ndeshja e radhës e Manchester Unitedit dhe në gjithçka që së bashku me bashkëlojtarët e mi dhe tifozët tanë, akoma mund ta arrijmë këtë sezon”.
“Pjesa tjetër? Pjesa tjetër është thjesht tjetër…”, ka shkruar Ronaldo në postimin e tij. /Telegrafi/
Lufta Prigozhin - Putin
Më shumëTeknologjia e vijës së portës ka analizuar golin në El Clasico, është konfirmuar se ishte apo nuk ishte
Juventusi mëson çmimin që duhet të paguajë për transferimin e Edon Zhegrovës
Ikona e Barcelonës befason të gjithë - rikthehet të luajë futboll profesionist në moshën 58-vjeçare
“Do të luajë dhe do të shënojë kundër Real Madridit” – Tuchel tregon se ylli i Bayern Munich është kthyer nga dëmtimi
Sensacioni i Serie A zhgënjen Interin dhe Juventusin, ëndërron të luajë në Ligën Premier
Super agjenti Jorge Mendes i jep përgjigje PSG-së për Lamine Yamal
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre