Cristiano Ronaldo lëshon me qera rezidencën luksoze në Madrid me pagesë mujore mbi nëntë mijë euro

Cristiano Ronaldo po jep me qera rezidencën e tij prej pesë milionë funtesh (5.5 milionë euro) në Madrid – dhe ju mund të jetoni atje për një tarifë marramendëse.

Ish-ylli i Real Madridit, 38 vjeç, jetoi në shtëpinë masive për pjesën më të madhe të kohës në Bernabeu përpara se të largohej për në Juventus në 2018.

Pasi mbërriti nga Manchesteri në vitin 2009, ai nuk humbi kohë duke shpenzuar 4.8 milionë funte (5.3 milionë euro) për banesën në lagjen e shtrenjtë La Finca, projektuar nga arkitekti i njohur Joaquin Torres, shkruan The Sun.

Blloku me shtatë dhoma gjumi, me nëntë banjo, ka një pishinë të brendshme dhe të jashtme, në të cilën Ronaldo ushtrohej rregullisht.

Shtëpia përfshin gjithashtu një palestër moderne, të pajisur me rutine, një seksion peshash dhe zonë shtrirjeje, duke siguruar që ai të mund të mbajë formën në shtëpi.

Kishte gjithashtu mobilie gjigante me porosi, duke përfshirë krevate dhe divane, të bëra posaçërisht për asin portugez – megjithëse e dashura Georgina Rodriguez shiti shumë prej tyre në internet.

Jashtë, parcela gjigante ka një fushë futbolli pranë pishinës së jashtme dhe zonës së relaksimit me shezllone dielli dhe karrige.

Ronaldo madje i kishte dorezat e dyerve të montuara me inicialet e tij.

Tani një fans mund të jetojë atje dhe të gëzojë të gjitha lehtësitë e pabesueshme teksa futbollisti e nxjerr atë në treg për të rritur pagat e tij vjetore prej 200 milionë eurosh në Al-Nassr.

Sipas Semana, kushdo që shpreson të transferohet dhe të ketë Ronaldon si qiradhënës do të ketë nevojë për xhepa të mbushur, sepse pesë herë fituesi i Topit të Artë kërkon pagesë mujore të madhe prej 8,800 funte (9,845 euro) në muaj.

Fansave iu dha akses në prapaskenat e luksit gjatë serisë së parë të dokumentarit të Georgina Netflix.

Ish-punonjësja e dyqanit të “Gucci” zbuloi se ajo humbiste në shtëpinë masive kur filloi të vizitonte për herë të parë.

Duke folur në dokumentarin e saj të Netflix, “I Am Georgina” , ajo tha: “Herën e parë që erdha në shtëpinë e Cristianos, humbisja”.

“Do të doja të shkoja në kuzhinë për të marrë ujë dhe nuk e dija se ku të shkoja. Ndonjëherë më merrte gjysmë ore për të arritur në dhomën e ndenjjes, sepse nuk e dija rrugën e kthimit. Ishte kaq e madh”, tha Georgina.

“Që kur isha fëmijë, isha mësuar të jetoja në apartamente vërtet të vogla. Kam ardhur këtu, nuk e kisha idenë, nuk e dija. Mendoj se pas gjysmë viti këtu, kam qenë në gjendje të di se ku ishte gjithçka dhe ishte në rregull”, u shpreh Rodriguez.

Rezidenca e Madridit është një nga shumë pronat në mega portofolin e Ronaldos.

Ai ka dy shtëpi mahnitëse në Madeira, një shtëpi në Torino me pamje nga qyteti, një në Cheshire me vlerë 3 milion funte (3.3 milionë euro), një shtëpi pushimi në Marbella prej 1.4 milion funte (1.5 milionë euro) dhe aktualisht është duke ndërtuar një rezidencë tjetër në Quinta da Marinha në Rivierën Portugeze pak jashtë Lisbonës.

Sulmuesi portugez aktualisht po jeton me familjen e tij në shtëpinë e tyre të re në Riad në një kompleks ekskluziv me siguri të nivelit të lartë pasi u largua nga Kingdom Suite në hotelin Four Seasons. /Telegrafi/