Mbrëmë janë zhvilluar vetëm dy ndeshje në ligën më të fortë të basketbollit në botë.

Los Angeles Clippers dhe Philadelphia 76ers kanë shënuar fitore në kuadër të fazës së “play-off”.

Kampioni në fuqi i NBA-s, Golden State Warriors ka pësuar humbje të papritur kundër Clippersave me rezultat 135:131.

Kjo ka bërë që seria mes këtyre dyja ekipeve të barazohet, ku secila ka nga një fitore gjersa ndeshja e radhës do të zhvillohet ditën e premte në Staples Center.

Ndërkohë, Philadelphia ka arritur të triumfojë kundër Brooklyn Nets me rezultat 145:123 dhe kanë barazuar serinë e fitoreve në 1-1.

Ndeshja e radhës mes këtyre dyja ekipeve do të zhvillohet të premten dhe tashmë ndeshjet do të zhvillohen në Brooklyn. /Telegrafi/