LAJMI I FUNDIT:

Clevelandi nënshtron LA Lakers, San Antonio rigjen fitoren

Clevelandi nënshtron LA Lakers, San Antonio rigjen fitoren
Getty Images

Los Angeles Lakers u dorëzuan pa kushte ndaj kampionëve në fuqi të Cleveland Cavaliers që triumfuan me rezultat 125-120.

Në ndeshjen e zhvilluar në Staples Center, vendasit bënë gjithçka për të vënë në vështirësi armatën nga Ohio, por në një ndeshje të tillë ku gjatë periudhës së fundit treshja e famshme e Cavaliers – LeBron James, Kyrie Irving dhe Kevin Love – shkëlqyen, Lakers ngritën flamurin e bardhë pa kushte.

Për skuadrën kaliforniane as 40 pikët e Rusell nuk mjaftuan dhe në këtë mënyrë, Lakers vazhdon të përjetojë një krizë të thellë sezonale. Në mbrëmjen kaliforniane Love shtoi edhe 15 asiste për ta ndihmuar ekipin e tij të konsolidojë pozitat në krye të Lindjes, transmeton SuperSport.

San Antonio është kthyer pas dy humbjeve rresht për të fituar kundër Sacramento Kings, 118-102. I përhershmi Pau Gasol realizoi 22 pikë në “AT&T Center”, ndërsa Aldrige shtoi 18 të tjera. Moment jo shumë pozitiv po kalon Kawhi Leonard me 12 pikë, çka e detyroi trajnerin Popovich ta ulte në stol gjatë periudhës së katërt kur San Antonio kishte mbyllur çdo llogari me Sacramenton. Ndalet në rrugëtimin drejt vendit të dytë të Lindjes, Boston Celtic që thyhen nga Filadelphia 105-99 ku Saric regjistroi 23 pikë ndërsa skuadra nga Massachusetts vuajti mungesën e yllit Isaiah Thomas.

Fitore ka realizuar edhe Toronto që konsolidon pozitat në vendin e katërt pas suksesit 116-91 ndaj Indiana Pacers. DeRozan me 22 pikë ishte shënuesi më i mirë për skuadrën kanadeze, ndërsa në krahun tjetër George, Young e Teague ishin në një mbrëmje të errët.

Dallas nën udhëheqjen e gjermanit Nowitzki kaloi me sukses testin në fushën e Brooklyn Nets 111-104. 23 pikë dhe 9 kërcime shënoi lideri i Mavericks duke mbajtur të gjallë shpresën e skuadrës së Dallas për një vend në zonën ‘play off’.

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Bayern Munich po

Bayern Munich po "peshkon" te Chelsea, lojtari i gatshëm të largohet nga Stamford Bridge

Bundesliga
Real Madridi fërkon duart, shumë lojtarë të Man Cityt kthehen të dëmtuar nga kombëtaret

Real Madridi fërkon duart, shumë lojtarë të Man Cityt kthehen të dëmtuar nga kombëtaret

Liga e Kampionëve
Nëse dështon afrimi i Xabi Alonsos, Bayern Munich ka një befasi për trajnerin e ri

Nëse dështon afrimi i Xabi Alonsos, Bayern Munich ka një befasi për trajnerin e ri

Bundesliga
Përballje tensionuese para duelit: Florian Marku dhe Chris Kongo me paralajmërime për njëri-tjetrin

Përballje tensionuese para duelit: Florian Marku dhe Chris Kongo me paralajmërime për njëri-tjetrin

Boks
Kalo në kategori