Më 6 shkurt, Cineplexx e ka mbajtur premierën e komedisë së re shqiptare “I Love Tropoja”.

Gjatë kësaj premiere, prezent kanë qenë edhe aktorët e filmit, duke përfshirë Ermal Mamaqin, Enca Haxhian, Ariola Demirin, etj.

Në prezencën e shumë mysafirëve, aktorët kanë mbajtur edhe fjalime, me ç’rast kanë treguar për sfidat e ndryshme.

Përndryshe, filmi flet për një djalë me ambicie të mëdha për jetën, i cili shpreson që së shpejti do të vendoset në pozicionin që meriton në kompaninë ku ai punon, por çuditërisht ndodh e kundërta. Djali e gjen veten aty ku nuk e kishte menduar kurrë, në një qytet verior, në Tropojë, ku duket se shpresa ka vdekur bashkë me botën në mendjen e tij.

Gjatë kalimit të kohës ai kupton se jeta në qytetin e largët nuk ishte aspak ashtu si e kishte menduar. Njerëzit nuk janë të egër dhe nuk ka rreziqe që i kanosin jetën, madje ashtu papritur ai gjen dashurinë e jetës së tij.

Filmi “I Love Tropoja”, i cili vjen nën regjinë e Ermal Mamaqit, është duke u shfaqur çdo ditë në kinematë e Cineplexx në orare të shumta, për shkak se interesimi është shumë i lartë.