Chelsea është i përgatitur të japë mbrojtësin Fikayo Tomori te Milani në huazim me mundësi për blerje për 30 milionë euro, por kjo shifër është shumë e lartë për Rossonerët.

Tomori është bërë kandidati kryesor për mbrojtjen, pas raporteve të shumta në Gjermani dhe Spanjë që zgjedhja e parë Mohamed Simakan kishte rënë dakord të bashkohej me RB Leipzig nga Strasburgu.

Ky transferim u braktis gjithashtu sepse Simakan kishte një operacion në gju që do ta mbante atë jashtë për dy muaj.

Milani kontakton Chelsean për Fikayo Tomorin Milani kontakton Chelsean për Fikayo Tomorin

Sipas ekspertit të transferimeve të Sky Sport Italia, Gianluca Di Marzio, Chelsea është gati të lejojë Tomorin të bashkohet me Milanin në huazim me opsionin e blerjes për 30 milionë euro.

Kjo është shumë e lartë për Rossonerët, të cilët po përpiqen ta negociojnë atë.

Nuk do të ishte hera e parë që një marrëveshje midis këtyre klubeve prishej për shkak të një mosmarrëveshjeje mbi koston e një opsion blerje në fund të sezonit. /Telegrafi/