Vëmendja e shumë tifozëve dhe jo vetëm do të jetë sot (29 maj) te përballja në mes të Chelseat dhe Arsenalit, pasi do të përballen në finale të Ligës së Evropës.

Përveç tifozëve, finale në mes dy skuadrave Londineze do ta shikojë edhe Marcus Rashford i Manchester United, që ka dhënë edhe parashikimin e tij.

Sulmuesi anglez ka thënë se ai mendon që Chelsea do ta fitojë trofeun e dytë më të rëndësishëm në Evropë për klube, shkaku që aty luan Eden Hazard.

Eden Hazard në stërvitje me Chelsean para finales me Arsenalin (Foto: Shaun Botterill/Getty Images/Guliver)

“Kush do ta fitojë Ligën e Evropës? Jam për Chelsean, vetëm që aty luan Eden Hazard”, ka thënë Rashford në një intervistë për talkSport.

“Ai mund të bëjë çdo gjë në çdo moment, është i shpejtë, ka teknikë të jashtëzakonshme. Mendoj se ai do ta bëjë diferencë në përballjen, por të shohim çfarë do të ndodhë”, ka shtuar më tej sulmuesi i Manchester United.

Finalja londineze: Chelsea dhe Arsenal e duan Ligën e Evropës, formacionet e mundshme Finalja londineze: Chelsea dhe Arsenal e duan Ligën e Evropës, formacionet e mundshme

Për Eden Hazardin kjo finale mund të jetë ndeshja e fundit në fanellën e Chelseas, pasi është duke u kërkuar me ngulm nga Real Madridi dhe janë shumë afër marrëveshjes. /Telegrafi/