Një ekip me bazë në Kinë në kompaninë mëmë të TikTok, ByteDance, planifikoi të përdorte aplikacionin TikTok për të monitoruar vendndodhjen personale të disa qytetarëve specifikë amerikanë, sipas materialeve të shqyrtuara nga Forbes.

Reklama

Sipas mediave të huaja, përcjell Telegrafi, ekipi që qëndron pas projektit të monitorimit drejtohet nga ekzekutivi me bazë në Pekin, Song Ye, i cili raporton te bashkëthemeluesi dhe CEO i ByteDance, Rubo Liang.

Ekipi kryen kryesisht hetime për sjellje të pahijshme të mundshme nga punonjësit aktualë dhe të mëparshëm të ByteDance.

Por në të paktën dy raste, ekipi i Auditimit të Brendshëm planifikoi gjithashtu të mblidhte të dhëna të TikTok në lidhje me vendndodhjen e një shtetasi amerikan që nuk kishte pasur kurrë marrëdhënie pune me kompaninë, tregojnë materialet.

Reklama
Reklama

Nga materialet është e paqartë nëse të dhënat për këta amerikanë janë mbledhur në të vërtetë; megjithatë, plani ishte që një ekip ByteDance me bazë në Pekin të merrte të dhënat e vendndodhjes nga pajisjet e përdoruesve të SHBA-së.

Zëdhënësja e TikTok, Maureen Shanahan ka thënë se TikTok mbledh informacione të përafërta të vendndodhjes bazuar në adresat IP të përdoruesve për të “ndër të tjera, për të ndihmuar në shfaqjen e përmbajtjeve dhe reklamave përkatëse për përdoruesit, në përputhje me ligjet në fuqi dhe për të zbuluar dhe parandaluar mashtrimin dhe sjelljen e papërshtatshme”.

Por materiali i rishikuar nga Forbes tregon se ekipi i Auditimit të Brendshëm të ByteDance po planifikonte të përdorte këtë informacion të vendndodhjes për të vëzhguar qytetarët individualë amerikanë, jo për të synuar reklamat ose ndonjë nga këto qëllime të tjera.

Reklama
Reklama

Sidoqoftë, TikTok dhe ByteDance nuk iu përgjigjën pyetjeve nëse Auditimi i Brendshëm ka shënjestruar në mënyrë specifike ndonjë anëtar të qeverisë amerikane, aktivistë, figura publike apo gazetarë.

Ndryshe, thuhet se TikTok është afër nënshkrimit të një kontrate me Komitetin e Departamentit të Thesarit për Investimet e Huaja në Shtetet e Bashkuara (CFIUS), i cili vlerëson rreziqet e sigurisë kombëtare të paraqitura nga kompanitë me pronësi të huaj dhe ka hetuar nëse kompania mund t’u mundësojë qeverive kineze qasje në informacionin personal rreth përdoruesve të TikTok në SHBA.

Në shtator, presidenti Joe Biden nënshkroi një urdhër ekzekutiv që numëron rreziqet specifike që CFIUS duhet të marrë parasysh kur vlerëson kompanitë me pronësi të huaj. /Telegrafi/