Buta replikon me Fisnik Ismailin rreth censurës: Më vjen keq nëse definicioni i jem i jetës të mirë nuk është një punë me rrogë 500 euro

Hip hop ylli i ri, Buta, është përfshirë në debatin e ashpër ku kërkohet censurimi i përmbajtjeve muzikore që promovojnë drogën dhe seksizmin.

Kërkesa e deputetit të LDK-së, Haxhi Avdyli, nuk është pritur fare mirë nga artistët, ku së pari ishte Tayna që reagoi pasi ajo u apostrofua nga deputeti në fjalë në një prej mbledhjeve të një prej komisioneve.

Me këtë pasuan edhe debatet televizive, ku subjekt ka qenë edhe krijimtaria e reperit, Buta, i cili ka sjell një frymë të re të muzikës ‘trap’, duke rrëfyer për jetën e tij shpesh herë në formë hiperbolike e ku shpesh ka pasur tendencë për promovim të përdorimit të drogës dhe seksizmit.

View this post on Instagram

E pash pram qe si promo e kti emisioni n’Rubikon e kishi zgjedh kangen tem “Hashish Thaci” si shembull i keq i “Drogav edhe Seksizmit” n’Hip Hop. Vec deshta me i than dy fjale per kete pune. Hip Hopi eshte muzike e rruges edhe eshte per rruge. Subzhanri i Hip Hop-it qe e boj un thirret Lifestyle Rap edhe ka t’boj me senet qe i kaloj une n’jeten tem personale; eshte veq ni ditar muzikor. Per mu aprovoni cfaredush ligji se une as qe du e as qe kom kerku najher muzika jem me dal n’televizor se eshte muzike e rruges jo me ngu me nanen te shpija. Sa i perket drogav edhe seksizmit un nuk e promovoj asnjanen pa marr parasysh qysh muni ose doni me interpretu ju. E nese ka met te ju mu gjyku a jom artist a jo veq pse s’knoj “tEmA sOcIAlE” ather une sot e la muziken. Artist eshte dikush qe reflekton kohen e vet pa marr parasysh a eshte e mire a e keqe. Edhe mos harroni qe t’njejtat ligje qe muni me i perdor me cenzuru dikon, mujne me u perdor me ju cenzuru juve @adriatikk @karrota @deputetiiLDKsqsjadiasemrin

A post shared by Buta (@bashbuta) on Jan 25, 2019 at 4:10am PST

Megjithatë, vet Buta ka reaguar në një postim në rrjetin social Instagram, kua i ka konfirmuar se nuk ka nevojë fare që përmbajtja e tij të transmetohet në televizion. Ai ka bërë të ditur se do të vazhdojë të kultivojë një muzikë të tillë.

Nuk ka munguar reagimi i Fisnik Ismailit, i cili i është përgjigjur duke thënë: “Unë thashë që është boll kangë e mirë, tybe. S’di a ke kapë atë moment (sic.)”.

Buta nuk e mori lehtë as këtë koment, duke ja kthyer përgjigjen Ismailit ku ai potencon se refuzon të punojë për një jetë mesatare prej 500 eurosh dhe sheh pozitiv motivimin e të rinjve që të fitojnë para.

“Nuke pasna kap faleminderit. Veq e kapa pjesën tjetër që thojshe që na nuk kena vlera artistike edhe në fakt kena “antivlera”. Nëse unë e motivoj dikon me bo pare edhe kjo koka keq, atëherë s’di çka të thom. Më vjen keq nëse definicioni jem i jetës të mirë nuk është ni punë edhe ni rrogë 500 euro”, u përgjigj Buta.

Reperi mori shumë komente në përkrahje të tij nga adhurus të tij, kryesisht të moshës shumë të re që dëgjojnë muzikën e tij.

Buta së fundmi solli mixtape “Vjeshtë/Dimër” ku ka disa këngë e bahkëpunime interesante siç është “OK, OK”. /Telegrafi/