Bryan Cranston tregon se ka qenë i prekur me COVID-19, ndërsa dhuron plazmën për kërkime

Bryan Cranston deklaroi se ka kontraktuar dhe se tani është duke u shëruar nga COVID-19, ndërsa ka dhuruar plazmën e tij pasi përmban antitrupa.

Aktori më i njohur për interpretimin e Walter White në “Breaking Bad” të AMC e bëri njoftimin në një video të postuar në Instagram të enjten.

Cranston, 64 vjeçar, nuk tha saktësisht kur u infektua me coronavirusin, por tregoi se ishte në fillim të pandemisë.

View this post on Instagram

Hi. About now you’re probably feeling a little tied down, restricting your mobility and like me, you’re tired of this!! Well, I just want to encourage you to have a little more patience. I was pretty strict in adhering to the protocols and still… I contracted the virus. Yep. it sounds daunting now that over 150,000 Americans are dead because of it. I was one of the lucky ones. Mild symptoms. I count my blessings and urge you to keep wearing the damn mask, keep washing your hands, and stay socially distant. We can prevail – but ONLY if we follow the rules together. Be well – Stay well. BC

A post shared by Bryan Cranston (@bryancranston) on Jul 30, 2020 at 9:32am PDT

Ai kishte simptoma të lehta, përfshirë një dhimbje koke, shtrëngim në gjoks dhe humbje të shijes e erës.

“Përshëndetje të gjithëve. Doja të njoftoja se kisha COVID-19 pak kohë më parë. Shumë me fat, simptoma të lehta”, tha Cranston para kamerës teksa u shfaq me maskë e syze dielli.

Bryan inçizoi veten brenda Qendrës së gjakut në Los Angeles duke bërë dhurimin e plazmës, i cili më tej tregon se kjo zgjati rreth një orë.

Ai pranoi të ishte ‘pak nervoz’ dhe ‘i trazuar’ para se të jepte plazmën. Videoja e paraqet atë duke biseduar me një staf të spitalit i cili shpjegon procesin.

Aktori gjithashtu nxiti 2.5 milionë ndjekësit e tij në Instagram që ‘të mbajnë maskën, t’i pastrojnë duart dhe të qëndrojnë larg nga shoqëria’.

Cranston bashkohet me një numër të famshmëve që kanë zbuluar diagnozat e tyre pozitive për coronavirus.

Tom Hanks dhe Rita Wilson ishin çifti i parë i Hollywoodit që zbuluan se kishin rezultuar pozitivë, e që më pas dhuruan plazmën për hulumtime. /Telegrafi/