Britney Spears u tha fansave të saj se do ta mbyll llogarinë e Instagram-it, por do të rikthehet shumë shpejti, dhe këtë tashmë e ka bërë pas vetëm gjashtë ditësh.

Ajo kishte deklaruar se po largohet nga rrjetet sociale për të festuar fejesën e saj me Sam Asghari, shkruan PageSix

Dhe 39-vjeçarja është rikthyer duke postuar disa fotografi nga festimet e fejesës.

Foto: Britney Spears/Instagram

“Disa fotografi nga pushimet e vikendit të festës së fejesës me të shenjtin tim, të fejuarin. Ende nuk po mund ta besoi”, ka shkruar artistja në mbishkrimin e imazheve.

“Nuk mund të qëndroja larg Instgaram-it, kështu që jam rikthyer. I realizova këto në Palma Springs me disa shtesa flokësh”, vazhdoi tutje Spears.

Të gjitha lajmet nga Britney Spears Të gjitha lajmet nga Britney Spears

Por, paparacët së fundi fotografuan artisten në Los Angeles dhe jo në Palm Springs.

Foto: Britney Spears/Instagram

Ishte Daily Mail që publikoi disa fotografi të çiftit të njohur, së bashku në një Mercedes-Benz në Los Angeles.

Përdoruesit e rrjeteve sociale në anën tjetër kanë vënë re se fotografi të ngjashme me këto të fundi, Britney kishte postuar edhe në shkurt të këtij viti.

Foto: Britney Spears/Instagram

Ndërkohë, avokati i këngëtares, Mathew Rosengart tha për Page Six se ishte vendim i saj për të çaktivizuar llogarinë e Instagram-it.

Spears dhe i dashuri i saj, Asghari, u fejuan me 12 shtator, pas romancës pesë vjeçare. /Telegrafi/