Blero: Kam mbërritur në situatën që në vendin tim, nuk guxoj ta shpreh mendimin tim

Këngëtari i njohur shqiptar, Blero Muharremi, është shprehur së fundmi në rrjetete sociale duke thënë se në situatën në të cilën ndodhemi, nuk po mund ta tregojë lirshëm mendimin e vet.

Në një shkrim të publikuar në InstaStory, ai mes rreshtave bëri të ditur se do të shprehej me një fjalor ndryshe, por që si baba i një vajze nuk dëshiron të japë një shembull të tillë.

“Kam mbërritur në një situatë që në vendin tim nuk guxoj me shpreh mendimin tim. Për besë ju kisha thënë cka mendoj po nuk po guxoj. Sepse jam prind dhe dua të jem afër fëmijës tim. Këtë situatë nuk kam mbërritur unë ta përjetoj sikur shumica juaj në luftë. Që shumë po ngjasojnë në muhabete që aludojnë. Zoti na ruajt. Zoti i bekoftë shqiptarët”, ka shkruar këngëtari në InstaStory.

Ky postim erdhi vetëm pak orë pasi ai publikoi një status me kritika për gjendjen aktuale politike në Kosovë.

Këngëtari Muharremi e cilësoi të trishtë faktin se si televizionet por edhe vet politikanë, e kanë kthyer gjithë fokusin kah politika duke lënë anash përditësimin e qytetarëve me më të rejat rreth COVID-19. /Telegrafi/