Benzema i reagon kryetarit të federatës franceze të futbollit, i kërkon ta lejojë ndërrimin e kombëtares

Karim Benzema dëshiron të ndryshojë besnikërinë e tij ndërkombëtare pasi u tha se nuk do të luajë më asnjëherë për Francën.

Benzema ka luajtur 81 herë për Francën, por nuk është paraqitur që nga viti 2015, pas skandalit me një video seksuale në të cilën u përfshi bashkëlojtari Mathieu Valbuena.

Pavarësisht se vazhdoi me formën e lartë në nivelin e klubit, duke shënuar 30 gola për Real Madridin në sezonin e fundit, 31-vjeçari mbetet i ‘ngrirë’.

Presidenti i federatës franceze të futbollit, Noel Le Graet ishte i bindur se dera e sulmuesit ishte e mbyllur për një kthim në kombëtare”.

“Ai po dëshmon sërish këtë vit në Madrid se ai është një nga lojtarët më të mirë në pozicionin e tij. Por, aventura me Francën ka përfunduar”, ka thënë ai.

🌪 "L’aventure France est terminée" pour Karim Benzema
Noël Le Graët, Président de la #FFF, met fin au débat #Benzema en équipe de France ! pic.twitter.com/PutLnCwynN

— After Foot RMC (@AfterRMC) November 16, 2019

Benzema u mor me komentet e Le Graet dhe kërkoi që Franca ta lejojë atë të vazhdojë karrierën e tij ndërkombëtare me një vend tjetër me të cilin ai ka të drejtë të përfaqësojë.

“Noel, unë mendova se ju nuk ndërhyni në vendimet e trajnerit të ekipit kombëtar. Dije që do të jem unë dhe vetëm unë ai që vendos kur të mbarojë karriera ime ndërkombëtare”.

“Nëse mendoni se unë kam mbaruar, më lini të luaj për një vend për të cilin kam të drejtë të luaj dhe do ta shohim”, ka shkruar Benzema në Twitter.

Noël je croyais que vous n’interfériez pas dans les décisions du sélectionneur!Sachez que c’est moi et moi seul qui mettrait un terme à ma carrière internationale.
Si vous pensez que je suis terminé, laissez moi jouer pour un des pays pour lequel je suis éligible et nous verrons.

— Karim Benzema (@Benzema) November 16, 2019

Benzema është me origjinë algjeriane përmes prindërve të tij dhe më parë u citua të thoshte se Algjeria është “vendi im”.

Sidoqoftë, fakti që ai ka luajtur për Francën do të thotë se nuk ka asnjë mënyrë që ai të lejohet të bëjë ndryshim.

Asmir Begovic, Neven Subotic, Thiago Motta, Nacer Chadli, Diego Costa dhe Alfredo di Stefano janë ndër ata që kanë luajtur në më shumë se një vend. /Telegrafi/