Një nga mbrojtësit më të mirë të të gjitha kohërave dhe legjendës së Bayern Munichut, Franz Beckenbauer, tha se do të dëshironte të shihte Jurgen Klopp në krye të ekipit bavarez.

Ish-futbollisti gjerman e konsideron trajnerin aktual të Liverpoolit si një ndër më të mirët në botën e futbollit modern.

“Asgjë nuk do të më bënte më të lumtur sesa Klopp të ishte trajner i Bayernit”, tha Beckenbauer në një intervistë për Bild.

Strategu ka katër sezone që e drejton skuadrën angleze dhe tashmë i është ofruar një kontratë e re që vlen deri në vitin 2022.

Gazeta gjermane ka arritur të kontaktojë trajnerin e The Reds dhe e kanë pyetur rreth komenteve të Beckenbauerit.

“Unë jam i kënaqur që Franz mendon kështu, ashtu siç jam i lumtur që tha se nuk kam asnjë ide. Të dyja, Borussia dhe Bayerni tani kanë trajnerë të mirë, nuk e di se çfarë do të ndodhë në pesë apo më shumë vite, ndoshta situata do të jetë krejtësisht e ndryshme” , vuri në dukje Klopp.

Pas suksesit në Ligën e Kampionëve, Liverpooli pritet ta shpërblejë Kloppin me kontratë trevjeçare Pas suksesit në Ligën e Kampionëve, Liverpooli pritet ta shpërblejë Kloppin me kontratë trevjeçare

Ndryshe, gjermani këtë sezon së bashku me Liverpoolin kanë fituar titullin e Ligës së Kampionëve. /Telegrafi/