Këngëtarja shqiptare me famë botërore, Bebe Rexha, muajin e kaluar është nominuar për të tretën herë në karrierën e saj për çmimin e madh ‘Grammy’.

Reklama

Ajo ndodhet e nominuar në kategorinë “Kënga më e mirë ritmike/elektronike” për këngën “I’m good (Blue)” në bashkëpunim me David Guettan.

Për po të njëjtin çmim lufton edhe diva e muzikës botërore, Beyonce, me këngën e saj “Break my soul” nga albumi i saj i fundit “Renaissance”.

Bebe Rexha (Foto: Kevin Winter/Getty Images for iHeartRadio)

E pyetur në një intervistë të fundit për Radio Kiss Fm, artistja me origjinë shqiptare tha se nuk beson q mund ta fitoj çmimin në fjalë, kur e di që në të njëjtën kategori ndodhet e nominuar edhe Beyonce.

Reklama

“Jemi nominuar në të njëjtën kategori me Beyonce, kështu që definitivisht nuk do të fitojmë, por gjithsesi është mahnitëse të jesh e nominuar”, tha 33-vjeçarja.

Reklama

Bebe Rexha (Foto: Jon Kopaloff/Getty Images)

Ajo tha se pavarësisht se ka qenë e nominuar edhe më parë [dy herë në vitin 2019], prapëseprapë nuk i mbajti emocionet dhe ‘shpërtheu’ në lot.

“Unë isha duke qarë, isha shumë e emocionuar, unë kam qenë e nominuar edhe më parë por kjo ishte e papritur, sepse ne e bëmë këtë këngë dhe thjeshtë e lëshuam dhe vet historia e këngës është një çmenduri, pasi kur e kompozova këtë këngë pesë vite më parë nuk e mendoja se do të nominohej për ‘Grammy’”, ka thënë Bebe Rexha referuar suksesit të bashkëpunimit të saj me Guettan.

Reklama

Kujtojmë që ajo është e vetmja artiste me origjinë shqiptare e nominuar në mbrëmjen e madhe të ndarjes së çmimeve, “Grammy Awards 2023”. /Telegrafi/

Reklama