Janë zbuluar bashkëlojtarët më të rëndësishëm të Cristiano Ronaldos, derisa në formacion janë vetëm tre nga Manchester United.

Pesë herë fituesi i Topit të Artë gjithmonë është dukur se mund t’i bëjë gjërat vetë, mirëpo janë disa lojtarë pa të cilët ai ndoshta nuk do të kishte disa të arritura në karrierë.

Për dallim nga Sporting Lisbona, që kur u transferua te Manchester United, më pas për të kaluar te Real Madridi, e në këto dy vitet e fundit te Juventusi, 35-vjeçari ka luajtur me disa prej lojtarëve më të mirë në histori të futbollit.

Foto: The Sun

Është një formacion me lojtarët të cilët Ronaldo i kishte arritur të gjitha në karrierën e tij, derisa vetëm Kupa e Botës i mbetet ende peng.

Iker Casillas kishte një bashkëpunim të shkëlqyer me portugezin, ku së bashku kishin zhvilluar 228 paraqitje, derisa më të ngushtin e kishte Marcelon, me të cilin ndanin të shumtën e kohës të njëjtin krah të fushës me 332 paraqitje.

Në këtë formacion janë edhe emra si Pepe me 321 paraqitje së bashku, Sergio Ramos 339 paraqitje dhe Rio Ferdinand me 221 paraqitje.

Mesfusha përbëhet nga Isco me 188 paraqitje, Xabi Alonso me 208 paraqitje,  Luka Modric me 222 paraqitje dhe Ryan Giggs me 204 paraqitje së bashku.

Në sulm së bashku me Ronaldon ishin Wayne Rooney me 206 paraqitje dhe Karim Benzema me 342 paraqitje së bashku. /Telegrafi/