Barcelona takohet me agjentin e Foyth

Janë dy javët e fundit të afatit kalimtar dhe Barcelona po kërkon të përforcojë opsionet e tyre të mbrojtjes.

Xavi Hernandez dëshiron opsione të shumta për çdo pozicion për të rritur konkurrencën. Me Marcos Alonson të destinuar për krahun e majtë, ndërsa skuadra ka disa opsione për të djathtën. Një prej tyre është Juan Foyth, lojtar i Villarrealit.

Siç raporton ‘Jijantes’, agjenti i lojtarit argjentinas, Claudio Curti, shkoi në “Ciutat Esportiva Joan Gamper” dhe u pa në zyrën e Mateu Alemany. Drejtori i futbollit të klubit është mbështetësi kryesor i lojtarit 24-vjeçar të lindur në La Plata.

Lexo po ashtu "Laporta një idiot dhe Barcelona e drejtuar nga mafia" - Van der Vart nuk përmbahet në intervistën e tij

Sipas kontratës me Villarrealin deri më 30 qershor 2026, Foyth është një lojtar kyç në skuadrën e Unai Emery.

I nënshkruar verën e kaluar për 15 milionë euro pas një sezoni në huazim me skuadrën e ‘grogueta’, ai bëri 38 paraqitje në sezonin e tij të dytë në Estadio de la Ceramica. Ai ka shënuar një gol dhe ka dhënë një asistim.

Barça po studion edhe opsionin e Thomas Meunier, megjithatë, Borussia Dortmund nuk dëshiron ta lirojë atë për shkak të vështirësisë për të gjetur një zëvendësues për të në treg. Klubi gjerman e ka ngrirë largimin e tij për momentin, megjithëse komunikimet janë ende të hapura. /Telegrafi/