Barcelona planifikon ta shesë mbrojtësin qendror, Clement Lenglet, te Roma për një çmim më të ulët.

Gjiganti katalunas ka probleme të mëdha financiare, prandaj dëshiron të ulë shpenzimet e pagave, sidomos për të gjetur hapësirë për pagën e Lionel Messit.

Njëherësh, planifikojnë grumbullimin e fondeve, prandaj asnjë lojtar (pos transferimeve të reja) nuk është i sigurt nëse do të qëndrojë apo do të largohet.

(Foto: Instagram/clement_lenglet)

Oscar Mingueza e Ronald Araujo janë dy lojtarë të rinj që katalunasit planifikojnë t’i shfrytëzojnë në mbrojtje, ndërkohë që Lenglet mund të largohet.

Barcelona vë në shitje tre lojtarë Barcelona vë në shitje tre lojtarë

Barca shpenzoi 40 milionë euro kur e transferoi 26-vjeçarin nga Sevilla, porse mund ta shesë vetëm për 15 milionë euro për të eliminuar pagën e tij.

Trajneri i Romës, Jose Mourinho, e dëshiron francezin nën urdhrat e tij, ndërsa çmimi ‘modest’ ka tërhequr edhe interesimin e klubeve, si West Ham United e Everton. /Telegrafi/