Mario Balotelli ishte lojtari i radhës që u fye në baza racore nga tifozët e Veronës në takimin që u zhvillua në kuadër të javës së 11-të në Serie A.

Sulmuesi italian shënoi gol të bukur nga afro 20 metra për Brescian në takimin që përfundoi 2-1.

29-vjeçari fillimisht ishte fyer në baza racore nga tifozët vendas në minutën e 54-të, derisa dëshironte të largohej nga fusha.

Gjyqtari fillimisht e ndërpreu ndeshjen, mirëpo Super Mario u rikthye në fushë për të shënuar një gol të bukur në minutën e 85-të.

Portieri i Veronës Marco Silvestri nuk kishte gjasa që ta ndalte goditjen e fuqishme të ish-sulmuesit të Milanit, duke heshtur kështu tifozët vendas. /Telegrafi/