Gareth Bale duket se do ta refuzojë rikthimin te Tottenham Hotspur, pasi nuk ka asnjë nxitim që të transferohet në Ligën Premier.

Uellsianit i është bërë me dije nga Zinedine Zidane se koha e tij te Real Madridi ka përfunduar, duke i kërkuar që të gjej një skuadër tjetër, ndërsa ka zgjuar interesimin e disa skuadrave.

Daily Mirror ka raportuar se Tottenham e dëshiron transferimin e 29-vjeçarit, por është ky i fundit që nuk e dëshiron rikthimin në skuadrën që e bëri të famshëm, pasi është duke pritur për një klub më të madh.

Gareth Bale (Foto: Denis Doyle/Getty Images/Guliver)

Bëhet e ditur se Spurs kanë ofruar 15 milionë euro për huazimin nga Real Madridi, por kanë refuzuar që të paguajnë pagën e tij prej 500 mijë euro në javë, gjersa tani marrëveshja ka dështuar.

Gareth Bale ka edhe tri vite kontratë te Real Madridi, por që nuk dëshiron të largohet nga Santiago Bernabeu edhe pse aty nuk është i dëshiruar për shkak të formës së tij të dobët dhe lëndimeve të shpeshta.

Të gjitha lajmet nga Gareth Bale Të gjitha lajmet nga Gareth Bale

Në garë për uellsianin thuhet se janë edhe skuadrat si Manchester United, Paris Saint dhe Lyon, por që deri më tani asnjëra nuk ka arritur ta joshë atë me oferta. /Telegrafi/