Ashpërsia e Barcelonës ndikon te PSG – Paredes konfirmon se i është kërkuar të mos flas më për Messin

Paris Saint-Germain është duke tentuar të transferojë Lionel Messin nga Barcelona, i cili është një lojtar i lirë më 1 korrik, por klubi francez i ka bërë të qartë mesfushorit Leandro Paredes se ai nuk duhet të diskutojë për bashkatdhetarin e tij.

Paredes zbuloi në janar se PSG po përpiqet të bindë bashkëkombësin e tij për të kaluar në Parc des Princes, kur situata ishte e rënduar në Camp Nou në vitin e kaluar.

“Ata më kanë kërkuar që të mos flas më për këtë”, ka thënë anëtari i klubit francez për Le Journal Du Dimanche kur u pyet për Messin.

Lexo po ashtu Leandro Paredes konfirmon se PSG po tenton transferimin e Messit

“Njerëzve nuk u pëlqenin deklarata e mija për atë që po thosha. Disa njerëz e panë atë si mosrespekt. Kjo nuk ishte rasti qëllimi im”.

“I takon Messit të vendosë i qetë në fund të sezonit se çfarë dëshiron të bëjë me të ardhmen e tij”, ka shtuar më tej Paredes.

PSG njoftoi dy ditë më parë se Angel Di Maria ka rinovuar kontratën e tij deri në qershor të vitit 2022, e cila mund të shihet si përpjekja e tyre e fundit për të kënaqur Messin. /Telegrafi/