LAJMI I FUNDIT:

Arsenali i vendosur për revolucion në verë, ka gati 215 milionë euro për transferimin e tre yjeve

Arsenali i vendosur për revolucion në verë, ka gati 215 milionë euro për transferimin e tre yjeve

Klubi anglez, Arsenali po planifikon shpenzimet më të mëdha në historinë e tyre, pasi është gati të shpenzojë deri në 180 milionë funte apo 215 milionë euro për nënshkrimet e mëdha të verës.

Pronari miliarder i Topçinjve, Stan Kroenke dëshiron të tregojë besimin e tij te menaxheri Mikel Arteta duke siguruar fondet për një përmirësim të madh të skuadrës.

Sipas mediumit The Sun, sulmuesit Alexander Isak dhe Dominic Calvert-Lewin plus mesfushori Ruben Neves janë identifikuar të gjithë si lojtarët e rinj që pritet të transferohen në Emirates për të çuar Topçinjtë në nivelin tjetër.

Por, trajneri Arteta e di se do t’i duhet të sigurojë kualifikimin në Ligën e Kampionëve këtë sezon nëse dëshiron të arrijë këto objektiva kryesore.

Largimi i sulmuesit Pierre-Emerick Aubameyang te Barcelona në ditën e fundit të afatit kalimtar, e lë Arsenalin me vetëm 20 lojtarë në betejën e tyre për të siguruar një vend në top katërshe.

Megjithatë, largimi i Aubameyang dhe disa të tjerëve ka bërë që klubi të mbikëqyrur një pastrim masiv gjatë dy viteve të fundit nën Artetan, gjë që e ka ndihmuar klubin të ulë faturën e pagave të tyre vjetore.

Vetëm largimi i Aubameyangut do t’i kursejë klubit rreth 20 milionë funte, ndërsa ata shpresojnë të mbledhin rreth 70 milionë funte tjera duke shitur lojtarë të tjerë të huazuar si Matteo Guendouzi, Lucas Torreira, Hector Bellerin, Ainsley Maitland-Niles, Reiss Nelson, Alex Runarsson dhe Konstantinos Mavropanos.

Arteta ka marrë dritën jeshile për të shpenzuar serish para pasi shpenzoi 150 milionë funte verën e kaluar për të blerë emra si Ben White, Martin Odegaard, Aaron Ramsdale, Takehiro Tomiyasu, Albert Sami Lokonga dhe Nuno Tavares.

Suksesi i këtyre gjashtë lojtarëve të rinj e ka bindur miliarderin amerikan Kroenke se Arsenali më në fund po shkon në drejtimin e duhur pas një mungesa pesëvjeçare në Ligën e Kampionëve.

Klauzola e blerjes së Isak nga Real Sociedad është 75 milionë funte (90 milionë euro), Calvert-Lewin vlerësohet në 60 milionë funte (72 milionë euro) nga Evertoni dhe Neves vlen 45 milionë funte (54 milionë euro) sipas Wolves.

Por, me Alex Lacazette, Eddie Nketiah dhe Mohamed Elneny që të gjithë do të largohen si lojtar të lirë në fund të sezonit, Arsenali ka shumë mungesë të numrave.

Ata nuk e kanë përjashtuar plotësisht mundësinë e ofrimit të një zgjatjeje kontrate 12-mujore për Lacazette, por janë të vetëdijshëm se Lyoni po përgatitet t’i ofrojë ish-sulmuesit të tyre një marrëveshje afatgjatë.

William Saliba, Pablo Mari dhe Folarin Balogun pritet të kthehen në klub kur marrëveshjet e tyre aktuale të huazimit të skadojnë në fund të sezonit. /Telegrafi/

Në trend Sport

Më shumë
“Doja të shihja vetëm gjëra që lidhen me vdekjen, nuk është për të çmendurit”, historitë e disa yjeve botërore që kanë vuajtur nga depresioni

“Doja të shihja vetëm gjëra që lidhen me vdekjen, nuk është për të çmendurit”, historitë e disa yjeve botërore që kanë vuajtur nga depresioni

Ndërkombëtare
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Lojtari i Arsenalit merr një 'kontratë rekord' që nuk është parë më parë në Emirates

Lojtari i Arsenalit merr një 'kontratë rekord' që nuk është parë më parë në Emirates

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Premier League
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Kalo në kategori