Arsenali ka një buxhet të limituar për afatin kalimtar veror, ashtu që Unai Emery do të ketë në dispozicion vetëm 40 milionë funte (45.5 milionë euro) në rast se dështon ta kualifikojë skuadrën në Ligën e Kampionëve.

Gjatë të martës, shefat e klubit, Vinai Venkatesham dhe Raul Sanllehi, kanë mbajtur një takim, në të cilin kanë diskutuar për strategjinë e transferimeve për afatin e ardhshëm kalimtar.

Të gjitha lajmet nga Arsenal Të gjitha lajmet nga Arsenal

Drejtori menaxhues, Venkatesham, e ka bërë të qartë që klubi duhet të jetë më kreativ në treg dhe se skuadra do të mbështetet në transferimet e sezonit të kaluar, të cilët duhet të vazhdojnë të përmirësohen.

Vinai Venkatesham dhe Raul Sanllehi (Foto: Arsenal Media)

Në ndërkohë, në rast se shitet ndonjë lojtar, atëherë të gjitha paratë e fituara do të investohen në transferimin e ndonjë futbollisti tjetër.

“Duhet të sigurohemi se po i shpenzojmë ato para në mënyrë sa më efikase të mundshme dhe të kalojmë më shumë kohë duke u përqendruar në këtë çështje”, ka thënë Venkatesham për faqen zyrtare të klubit.

Arsenali duhet të mposhtë Chelsean në finalen 29 majit në Baku të Azerbajxhanit për të siguruar pjesëmarrjen në Ligën e Kampionëve. /Telegrafi/