Arrestohet në Mal të Zi, ‘mbreti’ koreano-jugor i kriptovalutave

Policia malazeze ndaloi një person të dyshuar si një nga të arratisurit më të kërkuar në Korenë e Jugut.

Është arrestuar shtetasi i Koresë së Jugut, Do Kwon, bashkëthemelues dhe CEO i Terraform Labs me bazë në Singapor, ka pohuar ministri i Brendshëm, Filip Adziq.

Ai tha se pritet konfirmimi zyrtar i identitetit, raporton televizioni publik malazez.

“Ish-mbreti i kriptomonedhave, i cili qëndron pas humbjeve prej më shumë se 40 miliardë dollarësh, u ndalua në aeroportin e Podgoricës me dokumente të falsifikuara”, pohoi ministri.

Ai kërkohet nga Koreja e Jugut, SHBA dhe Singapori. Kujtojmë se më herët dyshohej se ai fshihej në Serbi.

Ai është një nga të arratisurit më të kërkuar nga Interpoli me kërkesë të Seulit. /Telegrafi/

Nekadašnji “kralj kriptovaluta”, koji stoji iza gubitaka većih od 40 milijardi dolara, lišen je slobode na podgoričkom aerodromu sa falsifikovanim dokumentima, a istog potražuju Južna Koreja, SAD i Singapur.

Čekamo zvaničnu potvrdu identiteta.
2/2

— Filip Adzic (@filip_adzic) March 23, 2023