Kantautori i mirënjohur, i cilësuar si një ndër ikonat e muzikës shqipe ka bërë të ditur së fundmi se 2017-a do të shënojë rikthimin e tij në muzikë, pas 11 vitesh pauzë.

Këtë lajm ai e bëri të ditur përmes një interviste për emisionin “Talk”, ku ndër të tjerash rrëfeui edhe për karrierën e tij ndër vite.

Ishte hera e parë që Rexhepagiqi pranoi të ishte pjesë e ndonjë emisioni, gjersa bëri të ditur se e ftuar ka qenë edhe bashkëshortja e tij, tekstshkruesja e njohur Aida Baraku, por e cila me ngulmim e ka refuzuar ftesën.

Ai ka treguar se ka qenë ‘aktiv’ në muzikë gjatë gjithë kësaj kohe duke kompozuar këngë të ndryshme për artistë të tjerë, gjersa viti 2017 do ta gjejë atë duke krijuar disa këngë edhe për vetveten e tij.

Armendi sqaroi se ka punuar disa këngë të cilat nuk e di se sa do të mirëpriten nga publiku, por që është munduar t’i përshtatet rrymave moderne, ndaj dhe do presë momentin e duhur që ti lansojë këto projekte. /Telegrafi/