LAJMI I FUNDIT:

“Anibar” mbyll aplikimin për këtë edicion – janë pranuar 1,531 filma të animuar nga 77 vende të botës

“Anibar” mbyll aplikimin për këtë edicion – janë pranuar 1,531 filma të animuar nga 77 vende të botës

Festivali Ndërkombëtar i Animacionit, Anibar ka mbyllur thirrjen për filmat e edicionit të 15-të të festivalit që do të mbahet në datat 15-21 korrik 2024, në qytetin e Pejës.

Përgjatë 7 muajve, kanë aplikuar 1,531 filma të animuar artistik nga 77 vende të botës, duke e bërë këtë numrin më të lartë të aplikimeve ndonjëherë.


Thirrja i’u është shpërndarë studiove të animacionit, regjisorëve të njohur por dhe atyre të rinj dhe me potencial në industri, departamenteve të animacionit nëpër Universitetet me nam botëror, dhe platformave të tjera të njohura për mbledhjen e projekteve të animuara.

Nga 34 shtete që kanë aplikuar në vitin e kaluar, këtë vit numri është zgjeruar në 43 shtete më shumë, duke përfshirë edhe vende si: Filipinet, Mianmar, Kazakistani, Egjipti, Ekuadori, Vietnami, Uruguai, Siria, Republika Arabe, Peru, Palestina, Zelanda e Re, Malajzia, Makao, Lebanoni, Iraki, Islanda, Ishujt Faroe, dhe Azerbajxhani.

Shënjestër nuk kanë qenë vetëm filmat më të rinj, por edhe ata që trajtojnë tema aktuale të shoqërisë bashkëkohore, duke i mbërthyer më së miri brenda këtij mediumi, shumë të rëndësishëm për festivalin.

Tashmë ekipi i programit është duke u marrë me përzgjedhjen e filmave për t’i ndarë ato në 6 kategori garuese, dhe 2 kategori speciale.

Garat e këtij edicioni do të jenë ajo Ndërkombëtare, Studentore, Ballkanike, e Filmave për të Drejtat e Njeriut, Video-Animacioneve Muzikore, dhe e Audiencës së Re.

Ndërkaq, dy programet speciale do të jenë ajo e Panoramës dhe e Filmit Eksperimental.

Ndër të tjerash, Anibar do të ftoj dhe bashkëpunoj me profesionistë të fushës për kurimin e programeve tematike speciale, me fokus në koncepte dhe tema të veçanta të animacionit.

Nxitja e dialogut, dhe trajtimi i filmit të animuar si formë edukative dhe tërheqëse për të komunikuar çështje globale, përvoja individuale dhe kolektive nga perspektiva të lloj-llojshme është ajo se çka tenton të arrij Festivali Anibar përmes programit filmik të këtij viti.

Komunikimi për Programin e finalizuar Filmik pritet të ndodhë në fillim të muajit të ardhshëm, përderisa është duke u punuar në drejtim të finalizimit të të gjitha aspekteve programative për të bërë këtë edicion po aq të bukur dhe të paharrueshëm se edicionet paraprake. /Telegrafi/

Në trend Magazina

Më shumë
Të pandashëm edhe pas mbarimit të Big Brother, Heidi Baci ndan një moment intim me Romeon

Të pandashëm edhe pas mbarimit të Big Brother, Heidi Baci ndan një moment intim me Romeon

Magazina
Jennifer Lopez mahnit plot elegancë, në shfaqjen e Dior në Paris

Jennifer Lopez mahnit plot elegancë, në shfaqjen e Dior në Paris

Magazina
Luiz Ejlli dhe Kiara Tito me pushime në jug, sjellin fotografi krah njëri-tjetrit

Luiz Ejlli dhe Kiara Tito me pushime në jug, sjellin fotografi krah njëri-tjetrit

Magazina
Filmi i ri i Netflix me Jessica Alba u kritikua ashpër nga shikuesit, duke e etiketuar të tmerrshëm

Filmi i ri i Netflix me Jessica Alba u kritikua ashpër nga shikuesit, duke e etiketuar të tmerrshëm

Magazina
Taylor Swift gëlltit përsëri një insekt gjatë performancës së saj në Londër, muaj pasi bëri të njëjtën gjë në Chigaco

Taylor Swift gëlltit përsëri një insekt gjatë performancës së saj në Londër, muaj pasi bëri të njëjtën gjë në Chigaco

Magazina
Xhuli Nura merr vëmendje me një video, ndërsa shfaqet duke kërcyer me tupana në mes të Dyseldorfit

Xhuli Nura merr vëmendje me një video, ndërsa shfaqet duke kërcyer me tupana në mes të Dyseldorfit

Magazina
Kalo në kategori