Carlo Ancelotti ka zgjedhur fjalët më të mira për lojtarët e tij pas fitores së thellë 6-1 të Real Madridit ndaj Mallorcas.

Los Blancos vazhduan serinë pozitive duke marrë edhe fitoren e katërt radhazi dhe duke rimarr kreun e tabelës.

Golat në këtë fitore të Realit u shënuan nga Karim Benzema (3’, 78’), Marco Asensio (24’, 29’, 55’) dhe Isco (84’).

Reali nëpërkëmb Mallorcan me goleadë Reali nëpërkëmb Mallorcan me goleadë

“Ne filluam mirë”, ka thënë fillimisht Ancelotti për Marca pas ndeshjes.

“Ne alternuam lojën pak dhe luajtëm me shumë intensitet. Ishim më agresivë dhe sulmonim. Ne nuk kishim punuar në të, por folëm për të dhe lojtarët e kuptuan mirë”.

“Lojtarët që nuk kishin luajtur shumë ishin të përgatitur dhe kjo është një shenjë e mirë për të gjithë skuadrën”.

Notat e lojtarëve: Real Madrid 6-1 Mallorca, Benzema dhe Asensio të jashtëzakonshëm Notat e lojtarëve: Real Madrid 6-1 Mallorca, Benzema dhe Asensio të jashtëzakonshëm

“Benzema? Çdo gjë që thotë ai, ne duhet ta besojmë. Karim është shumë mirë. Ai ka shënuar tetë gola dhe kjo mund të na bëjë të harrojmë se sa mirë ai luan. Ai është i kompletuar në çdo mënyrë”.

“Asensio mund të bëjë shumë mirë aty, në atë pozicion midis linjave. Është një pozicion në të cilin ai mund të bëjë shumë dëme, sepse ka cilësi, gjuan shumë mirë, kombinohet shumë mirë me sulmuesit. Mendoj se ky është pozicioni i tij”, përfundoi italiani. /Telegrafi/