Analizë – Behrami është i pazëvëndësueshëm, Shaqiri të marrë përgjegjësinë në sulm!
Vajza e tij Sofia e pyeti nëse do të luante kundër Neymarit, tregoi vet Behrami para Botërorit. Ajo i kishte thënë: “Ai është shumë i fortë për ty”. Këtu edhe mori fund vetbesimi i tij, tha vet Behrami.
Edhe unë, të gjithë kemi thënë: “Neymari është shumë i fortë për Valonin”. Kemi menduar se ndoshta 21 vjeçari, Denis Zakaria, një prej më të rinjve dhe mesfushorëve më të shpejtë të Zvicrës do t’i bënte ballë superyllit brazilian në vend të Behramit.
Tekniku Petkovic e lëshoi Behramin që të shkonte pas Neymarit, magjistarit me top nga kundërshtarët e Selecaos. Aty u shfaq luftëtari 33 vjeçar. Një mega yll ndaj një punëtori të madh të futbollit.
Një burrë i vërtetë ndaj një qaramani.
Dhe, burri i vërtetë e s’pastroi qaramanin. Behrami e gjunjëzoi gjithë Brazilin.
“Ky është stili im i lojës. Neymari e ka një stil tjetër”, tha i qetë Behrami pas përfundimit të ndeshjes. Në anën tjetër, unë, të gjithë ju dhe vajza e Behramit e kuptuam se u gabuam me djaloshin nga Drenica.
E gjithë Zvicra po shpreson në një paraqitje të Behramit, e që problemet e tij me muskujt të zgjidhen shpejt, ashtu siç është parashikuar. Në të kundërtën, Behrami duhet të bëjë një tjetër sakrificë nga vetja dhe të paraqitet ndaj Serbisë edhe nëse nuk është plotësisht i përgatitur.
Ndeshja ndaj Serbisë do të jetë një luftë e vërtetë në mesfushë, është mbi të gjitha një ndeshje kyçe.
Zvicra ka nevojë për punëtorin e madh, ka nevojë urgjente për çelësin e lojës. Ndërhyrjet e tij, grintën e tij, vetëbesimin e tij.
Behrami është i pazëvëndësueshëm. Nga e diela të gjithë e dinë këtë. Edhe vajza e tij Sofia. Edhe unë. Edhe të gjithë ju.
Behrami duhet që për Zvicrën të premtën nga ora 20:00 në Kaliningrad të lëvrojë fushën, në mënyrë që diçka të mbillet e të rritet nga ky Botëror.
Koha që Shaqiri të marrë përgjegjsinë
Pak u ndalëm që të analizojmë statistikat e Behramit. Ato nuk kanë nevojë fare për koment sepse ishte perfekt në çdo aspekt.
Xherdan Shaqiri bëri një asistim ndaj Brazilit, duke lansuar harkimin preciz në kokën e Zuberit i cili realizoi për barazimin e artë ndaj Selecaos.
Por, kjo nuk është e mjaftueshme për superyllin e Zvicrës nga Zhegra e Gjilanit. Puna e tij, vetëm sa ka filluar.
Ndaj Brazilit, Xherdan Shaqiri preku 59 herë topin, dhe gjuajti në drejtim të portës kundërshtare VETËM NJË HERË dhe atë në minutat e fundit të kohës së rregullt.
Kaq ishte performanca e Shaqirit ndaj Brazilit, ku përpos asistimit, nuk pati ndonjë gjë tjetër për t’u përmendur. Shaqiri nuk arriti që të tërheqë si duhet kundërsulmet e Zvicrës. Sulmi helvet kishte mungesë të pasimeve të shkurtëra, aksioneve të koordinuara mirë, ndërsa goli erdhi nga ndërprerja.
Xherdan Shaqiri është futbollisti kryesor në sulm i Zvicrës. Në mos futbollisti kryesor i gjithë skuadrës.
Ndaj Serbisë, Xherdan Shaqiri duhet ta marrë përgjegjësinë dhe të krijojë më shumë në sulm. Zvicra është e detyruar ta sulmojë Serbinë në ndeshjen e dytë dhe do t’i duhet kreativiteti dhe këmbëngulësia e Shaqirit në fazën e sulmit.
Shaqiri duhet të krijojë jo vetëm goditje në drejtim të portës, por edhe krosime, pasime dhe të krijojë kombinime të frytshme në fazën e tretë të fushës për të gjetur rrugën e golit ndaj një kombëtareje më fizike siç është ajo e Serbisë. Të dominojë në krah.
Kjo është ndeshja më e rëndësishme e karrierës për të.
Punën e fortë do ta kryejnë Behrami dhe Xhaka, por është koha që Shaqiri të marrë përgjegjësinë e një superylli të padiskutueshëm në sulm, një xherdani shkëlqyes të futbollit botëror.
/Telegrafi/
Lufta Prigozhin - Putin
Më shumëNga Rubrika
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
Dy yjet e Gironas u goditën kokë më kokë, u dërguan menjëherë në spital
“Nuk ishte gabim i Araujos, ishte meritë e imja” – Barcola kthehet të flas për momentin vendimtar në ndeshjen Barcelona-PSG
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre
Rebelohet një lojtar në zhveshtoren e Real Madridit, Ancelotti nuk mund ta menaxhojë më
Capello me një vlerësim të sinqertë tregon lojtarin i cili do ta dëmtojë Anglinë në Euro 2024
Driblim që ta kujton "Fenomenin" - Mbappe turpëroi lojtarin kundërshtar
Bayerni shokon të gjithë me trajnerin i cili do ta drejtojë ekipin sezonin e ardhshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre