Analisti financiar: Manchester City mund të bjerë nga liga

Një gjyq i madh i nisur nga klubet e Ligës Premier kundër Manchester Cityt për dyshime për keqpërdorim financiar po i afrohet fundit.

Kampioni anglez është akuzuar për 115 shkelje të rregullave të fair-play-t financiar midis viteve 2009 dhe 2018, dhe sipas raportimeve, vendimi përfundimtar duhet të shpallet së shpejti.

Lexo po ashtu Super kompjuteri parashikon tabelën përfundimtare të Ligës Premier për sezonin 2024/25 - kush shkon në Evropë

City, i udhëhequr nga Pep Guardiola që nga viti 2016, po përballet me akuza serioze. Siç shpjegon Kieran Maguire, një ekspert në financat e futbollit, Liga Premier  po i akuzon ata për tri gjëra kryesore.

“Së pari, pretendohet se ata i kanë fryrë artificialisht të ardhurat, domethënë se kanë raportuar pagesa si marrëveshje sponsorizimi që në fakt kanë ardhur nga pronarët. Së dyti, ata akuzohen se nuk kanë bashkëpunuar me hetimin e Ligës Premier. Dhe së treti, pretendohet se individë të caktuar kanë marrë paga jashtë librave zyrtarë”, ka deklaruar Maguire.

Kjo pikë e fundit është veçanërisht e vërtetë për ish-trajnerin Roberto Mancini: “Thuhet se City i paguante rreth 2 milionë funte në vit, me 2 milionë funte shtesë që vinin nga një klub në Abu Dhabi, thuhet se për vetëm katër ditë pune në vit”, thotë Maguire.

Lexo po ashtu Guardiola zbulon kundërshtarin më të vështirë që është përballur deri më tani në karrierë

Dënimet e mundshme janë të rënda dhe të ndryshme, nga sanksionet monetare, përmes konfiskimit të pikëve dhe trofeve, deri në përjashtim nga liga: “Të gjitha këto opsione janë në tryezë dhe Liga Premier mund t’i zbatojë ato. Është e mundur që ata të përjashtohen nga liga”, shton Dam Plumley, një tjetër ekspert financiar.

Përveç kërcënimeve në frontin sportiv, i gjithë rasti tashmë po krijon një barrë të madhe financiare për të gjithë të përfshirët. “Është vlerësuar se kostot ligjore dhe komerciale të të dyja palëve do të kalojnë 100 milionë funte. Këto para do të duhet të paguhen nga dikush – nëse City humbet, do t’i mbajë ata. Nëse fitojnë, barra do të bjerë mbi klubet e tjera të Ligës Premier”, përfundoi Maguire. /Telegrafi/