0Shares

Data 13 shkurt është shumë e rëndësishme për Almeda Abazin, duke qenë se në këtë ditë e feston ditëlindjen, ndërsa të njëjtën datë e kishte zgjedhur edhe për martesë.

Modelja e njohur shqiptare ka lindur në vitin 1992 dhe sot (e martë) i ka mbushur 26 vjet.

Kurorëzohen Almeda dhe ‘Çenari’, publikohen fotografitë e martesës (Foto) Kurorëzohen Almeda dhe ‘Çenari’, publikohen fotografitë e martesës (Foto)

Pikërisht më 13 shkurt të vitit 2017, bukuroshja e kurorëzoi me martesë dashurinë me aktorin e famshëm turk, Tolgahan Sayisman.

Përmes një postimi në rrjetet sociale ajo i ka falënderuar fansat e saj për mbështetjen e vazhdueshme, ndërkohë që e ka publikuar një fotografi nga martesa.

(Foto: Instagram/Almeda92)

Almeda ka qenë pjesëmarrëse në tri gara bukurie në Shqipëri duke u shpallur ‘Miss Tirana’, ‘Miss Albania dhe ‘Miss Globe Universe’ në vitin 2008.

Ajo e kreu shkollën e mesme në kolegjin privat Tarhan në Stamboll, ndërsa studioi për aktrim në Akademinë Bil Sanat të Universitetit Aydin në Stamboll.

(Foto: Instagram/Almeda92)

Bukuroshja vendosi të jetonte në Turqi dhe të ndiqte karrierën atje duke u shfaqur në filmat, si “Konak” e “Show Business”, si edhe në seriale televizive, “Ayrilik” e Muhtesem Yuzyil, ndërsa ka punuar edhe si prezantuese televizive. /Telegrafi/

Të Ngjajshme
Shfaq Komentet (0)