Massimiliano Allegri është afruar për të marrë drejtimin e Kombëtares së Holandës, por po pret një pozicionim tek ndonjë klub para se të vendos.

Holanda do të përballet me Italinë në Ligën e Kombeve të hënën në mbrëmje në Amsterdam në kuadër të Ligës së Kombeve.

Ata po operojnë nën menaxherin e përkohshëm Dwight Lodeweges pasi trajneri Ronald Koeman u largua për të marrë detyrën e Barcelonës.

Të gjitha lajmet rreth Max Allegrit Të gjitha lajmet rreth Max Allegrit

Favoriti për të udhëhequr Holandën thuhet se është Henk ten Cate, por mediat italiane raportojnë për një emër tjetër.

Sipas mediumit Sky Sport Italia, Allegri ishte kontaktuar fillimisht nga drejtuesit e federatës holandeze për të marr drejtimin e kombëtares.

Ish-trajneri i Juventusit aktualisht është jashtë kontratës, pasi kishte marrë pagën për një vit pasi u shkarkua nga Bianconerët në fund të sezonit 2018-19.

Allegri fitoi pesë tituj radhazi të Serie A në Juventus dhe arriti dy herë në finalen e Ligës së Kampionëve. /Telegrafi/