Adele reagon pas publikimit të albumit “30”: Ishte një udhëtim, kështu që hodha duart lart dhe bërtita

Gjashtë vjet pas albumit të tretë në studio “25”, Adele më në fund ka sjell për fansat muzikë të re me albumin e saj “30”.

Këngëtarja 33-vjeçare ngacmoi disa nga këngët nga albumi në koncertin special dy-orëshe të CBS “Adele One Night Only”, në Observatorin Griffith në Los Angeles.

Albumi i plotë mund është i disponueshëm në platformat Spotify ose iTunes, ndërsa kopjet fizike janë gjithashtu të disponueshme.

View this post on Instagram

A post shared by Adele (@adele)

Albumi i ri, këngëtarja britanike është shprehur se i kushtohet periudhës së divorcit.

Adele ishte e martuar me Simon Konecki nga viti 2018 deri në ndarjen e tyre në fillim të këtij viti, ndërsa ishin në lidhje që nga viti 2011, çifti kanë një djalë.

Këngëtarja zbuloi në intervistën e saj për Oprah se u largua nga Simon thjesht sepse nuk ishte e lumtur, gjë që ndikoi shumë tek djali i tyre.

Përmes një postimi në Instagram, Adele ka përshkruar ndjenjën e rikthimit në industrinë e muzikës, pas një periudhe të gjatë kohore.

“Ishte një udhëtim, kështu që hodha duart lart dhe bërtita! Ju dua të gjithëve”, ka shkruar artistja në një postim ku shihet në studion muzikore.

Afër dy milionë pëlqime dhe mijëra komente pranoi këngëtarja në pak orë nga postimi i fotografisë, ndërsa të shumtë ishin fansat e quanin albumi i shekullit.

Albumi i shumëpritur i këngëtares pritet të thyej rekorde në top-listat botërore, ashtu siç ndodhi me këngën e parë të saj  “Easy on Me” që u lansua pak javë më parë. /Telegrafi/