Klubi turk Rizespor është pranë zyrtarizimit të marrëveshjes me ish-lojtarët e Arsenalit, Emmanuel Adebayor e Matieu Flamini.
Dy futbollistët veteranë do të shkojnë në Turqi me parametër zero, pasi në fund të sezonit të shkuar i përfunduan kontratat përkatëse, me Crystal Palace dhe Arsenalin.
Adebayor shënoi 46 gola në tri vite me Arsenalin dhe ka luajtur edhe me Manchester Cityn, Real Madridin e Totenhemin, por vitet e fundit ka pasur shumë probleme, aq sa vjet qëndroi muaj të tërë në Togo, pa luajtur.
Ndërkaq, Flamini ka luajtur 242 herë për Arsenalin, përveçse ka luajtur edhe pak kohë te Milani.
Natyrisht, transferimi në Turqi do të ketë një kosto të madhe financiare për Rizesporin, por futbolli turk ka vite që shpenzon shifra të frikshme, edhe për lojtarë në fundin e karrierës. /Telegrafi/
