Klubi nga Podujeva, Llapi ka bërë edhe një transferim të ri, pasi ka zyrtarizuar sot (e mërkurë) lojtarin nga Shqipëria, Eglentin Gjoni.

Me të përfunduar sezoni i rregullt në Ipko Superligën e Kosovës në futboll, Llapi ka filluar të mendoj për sezonin e ri.

Pas disa rinovimeve të kontratave me lojtarët kryesor dhe rikthimit të Edon Zeqirit, “Legjendat” kanë bërë edhe një transferim të ri.

Të gjitha lajmet rreth KF Llapit Të gjitha lajmet rreth KF Llapit

Bëhet fjalë për qendërmbrojtësin nga Shqipëria, Eglentin Gjoni, i cili vjen si përforcim i ri dhe sot gjatë ditës ka nënshkruar kontratë me Llapin.

Është vet klubi llapjan që me anë të faqeve zyrtare ka konfirmuar nënshkrimin e kontratës njëvjeçare me Gjonin.

Llapi në postimin e tyre ka treguar edhe të dhënat e lojtarit dhe një biografi të shkurtër. /Telegrafi/