Para ndeshjeve të muajit qershor kundër Portugalisë dhe Anglisë ose Holandës, Zvicra e ka publikuar listën me futbollistët e ftuar.

Në kuadër të fazës finale në Ligën e Kombeve, Zvicra do të përballet më 6 qershor me Portugalinë, ndërkaq katër ditë më vonë me Anglinë ose Holandën.

Fillimisht, helvetikët do ta mbajnë një kamp përgatitor në Cyrih me 25 futbollistët e ftuar nga përzgjedhësi Vladimir Petkovic.

Tre futbollistë nga Kosova, Xherdan Shaqiri, Granit Xhaka dhe Albian Ajeti janë ftuar nga përzgjedhësi Petkovic.

Xherdan Shaqiri . (Photo by Alex Livesey/Getty Images)

Dyshja Shaqa dhe Xhaka nuk do të marrin pjesë në kampin e sipërpërmendur, pasi kanë angazhime me Liverpoolin, respektivisht Arsenalin në finalet e Ligës së Kampionëve dhe Ligës së Evropës.

Albian Ajeti i Baselit do të jetë i pranishëm në këtë kamp. /Telegrafi/