Zidane i bashkohet Enriques në listën e ngushtë të Chelseat

Ish-trajneri i Real Madridit, Zinedine Zidane është duke u konsideruar nga Chelsea si pasues i Graham Potter.

Sipas gazetës Sport, Luis Enrique dhe Zidane janë favoritët për të marrë drejtimin e Chelseat nëse Graham Potter shkarkohet nga posti i trajnerit.

Potter është nën presion serioz në Stamford Bridge mes një ecurie katastrofale të formës që ka parë që Blutë të marrin vetëm një fitore në 11 ndeshje, pasi shpenzuan afër 300 milionë funte për nënshkrime të reja në janar.

Lexo po ashtu Pronari i Chelseat do të shkarkojë Graham Potterin dhe do të emërojë trajnerin e klasit botëror

Ndërsa ai ka marrë mbështetje të pakushtëzuar nga pronari Todd Boehly deri në këtë pikë, besohet se dy ndeshjet e tyre të ardhshme kundër Leeds United dhe Borussia Dortmund mund të jenë vendimtare për ish-trajnerin e Brighton, i cili ka fituar vetëm nëntë nga 26 ndeshjet e tij në krye.

Humbja në shtëpi ndaj Leeds këtë fundjavë dhe një eliminim nga Liga e Kampionëve kundër Dortmundit të martën e ardhshme mund ta detyrojnë Boehlyn në një ndryshim tjetër vetëm pesë muaj pas ndarjes me Thomas Tuchel.

Nëse Potter bie viktimë e sëpatës në klubin londinez, Enrique dhe Zidane do të jenë në garë për ta zëvendësuar atë. /Telegrafi/