E ardhmja e Antonio Contes në Inter është e pasigurt dhe disa lojtarë dhe menaxherë thuhet se mund të ndjekin strategun, nëse ai largohet nga Nerazzurrët.

Sky Sport Italia raportoi se pronari u ka kërkuar lojtarëve të heqin dorë nga pagat dy muaj për të ndihmuar ekipin financiarisht pas pandemisë COVID-19.

Pasiguria nuk ndalet këtu, pasi Zhang gjithashtu do të takohet me trajnerin Conte për të diskutuar të ardhmen dhe tashmë ka anuluar konferencën e tij për shtyp përpara ndeshjes kundër Romës për të shmangur përhapjen e thashethemeve.

Ish-trajneri i Juventusit ende nuk e ka konfirmuar qëndrimin e tij në San Siro dhe Il Corriere dello Sport pretendon që të dy palët do të ulen ose pas ndeshjes kundër Juventusit ose ndeshjes kundër Udineses.

E ardhmja e teknikut në Milano është larg nga e sigurt, me raportimet që dalin për një zvogëlim të mundshëm në Inter.

Gazeta zbulon kështu që disa emra të mëdhenj mund të kërkojnë të largohen nga klubi nëse Conte nuk mbetet në krye të skuadrës.

Menaxherët Giuseppe Marotta dhe Piero Ausilio gjithashtu mund të largohen, pasi problemet vazhdojnë për kampionët e sapo kurorëzuar.

Conte u transferua në Inter në verën e vitit 2019 dhe i ka ndihmuar ziklatërit të marrin Skudeton e tyre të 19-të dhe të parin në 11 vjet. /Telegrafi/