Zayn Malik pranon dënimin me kusht për sulm ndaj nënës së partneres Gigi Hadid

Ish-këngëtari i “One Direction”, Zayn Malik, nuk e ka mohuar ta ketë ofenduar verbalisht Yolanda Hadidin – nënën e partneres së tij.

Pasi në mediat botërore shpërtheu lajmi se Malik u nda me partneren e tij, Gigi Hadid, pasi Yolanda e akuzoi se e kishte goditur, 28-vjeçari u deklarua fajtor për një akuzë për shqetësim, duke deklaruar se nuk do të përpiqej t’i kundërshtonte pretendimet e saj.

Ylli i muzikës po në fillim të këtij muaji nuk i kundërshtoi akuzat për shqetësim pas një mosmarrëveshjeje të supozuar me Yolanda Hadid.

Malik u akuzua në shtator për katër raste të shqetësimit. Në akuzat e paraqitura në Gjykatën e Qarkut të Pensilvanisë, ai akuzohet se e ka kërcënuar nënën e Gigi.

Këngëtari gjithashtu akuzohet se e ka lënduar fizikisht atë, ndërsa një citim thotë se Malik e kapi atë dhe e futi në një komodinë duke i shkaktuar dhimbje fizike dhe mendore.

Zayn ka pranuar një dënim me kusht prej 90 ditësh për çdo pikë, gjithsej 360 ditë. Ai gjithashtu pranoi të mos kishte asnjë kontakt me Yolanda Hadid.

pic.twitter.com/Idwdx1PZdB

— zayn (@zaynmalik) October 28, 2021

Në një deklaratë të postuar në llogarinë e tij zyrtare në Twitter, këngëtari ka shkruar se ky incident duhet të mbetet çështje private.

“Siç e dini të gjithë, unë me të vërtetë dua të krijoj një hapësirë të sigurt dhe private ku vajza ime do të rritet. Një vend ku gjërat private familjare nuk hidhen në skenën botërore”, ka shkruar mes tjerash Malik. /Telegrafi/