Tensionet mes Zayn Malik dhe Yolanda Hadid nisën nga një foto e publikuar nga kjo e fundit ku shihej fytyra e vajzës së këngëtarit

Tensionet mes Zayn Malik dhe Yolanda Hadid thuhet se nisën për një foto të publikuar në rrjetet sociale të vajzës së tij dhe modeles Gigi Hadid, Khai.

Këngëtari 28-vjeçar, thuhet se është përplasur me vjehrrën e tij, 57 vjeçe, në janar të këtij viti, pasi ajo bëri një postim në Instagram ku shfaqej fytyra e vogëlushes 13 muajsh.

Tensioni mes të dyve erdhi për pretendimet se Zayn ‘goditi’ Yolandën dhe dyshohet se e shtyu atë në një komodinë gjatë një sherri në shtëpinë që këngëtari ka me ish-partneren e tij, modelen Gigi, në Pensilvani, shkruan DailyMail.

The Sun raporton se Yolanda ndau një imazh të ëmbël me mbesën e saj në mediat sociale në janar, por fotografia thuhet se ka treguar fytyrën e Khai-t në një reflektim në pasqyrë.

Ajo e fshiu menjëherë foton dhe e zëvendësoi atë me një imazh tjetër pasi e kuptoi gabimin e saj, por dëmi ishte bërë tashmë pasi fansat kishin parë fytyrën e vogëlushes.

Zayn, i cili së bashku me Gigi-n nuk e shfaq kurrë fytyrën e vajzës së tyre publikisht, u tha se ishte zemëruar me Yolanda-n, dhe tensionet kanë mbetur mes tyre që atëherë.

“Në janar, Yolanda postoi aksidentalisht një foto të Khai-t ku mund të shihje fytyrën e saj dhe Zayn u çmend – ai është aq mbrojtës ndaj privatësisë së vajzës së tij, ai ishte aq i çmendur për këtë”, tha një burim.

Yolanda nuk e kupton se çfarë është çështja, por Zayn dhe Gigi janë kundër fotografimit të fëmijës së tyre dhe postimit të saj në rrjetet sociale dhe kjo ka qenë një shkak i madh tensioni mes tyre.

Zayn dhe Gigi mirëpritën Khai në shtator 2020 dhe e kanë mbajtur fytyrën e së bijës të fshehur nga rrjetet sociale.

Ndërsa Yolanda është mjaft e hapur me jetën e saj dhe prezantoi Gigi-n dhe motrën Bella në qendër të vëmendjes që në moshë të vogël, dy modelet ishin shfaqur në reality show-n e saj “Real Houseëives of Beverly Hills”.

Zayn nxjerri në pah vlerat e tij mbi vajzën në deklaratën që ai ndau në vazhdën e akuzave kundër tij.

“Siç e dini të gjithë unë jam një person privat dhe dua shumë të krijoj një vend të sigurt dhe privat ku vajza ime të rritet. Një vend ku çështjet private të familjes nuk hidhen në skenën botërore që të gjithë t’i zgjidhin dhe t’i veçojnë”, tha këngëtari në deklaratën e tij të bërë në rrjetet sociale.

Ndërkohë që ka tensione mes Zayn dhe Yolanda, thuhet se ai dhe Gigi po përpiqen të mbajnë një marrëdhënie miqësore për hir të vajzës së tyre Khai, teksa modelja ka kërkuara privatësi të plotë pas ngjarjeve të fundit. /Telegrafi/