Ylber Ramadani shënon gol spektakolar në Skoci, Aberdeeni merr fitore të thellë

Ylber Ramadani ka vazhduar shkëlqimin në elitën e futbollit skocez me skuadrën e tij Aberdeen.

Në derbin e xhiros së 14-të në Ligën Premier të Skocisë, mes Aberdeen e Hibernian, Ramadani ka qenë protagonist në fitoren e skuadrës së tij me rezultat të thellë 4:1.

Mesfushori shqiptar e ka nisur titullar si gjithnjë ndeshjen për bardhekuqtë dhe ka shënuar edhe një gol shumë të bukur në këtë sfidë.

Ishte minuta e 61-të e ndeshjes, kur Ramadani u gjet bukur afër zonës dhe shfrytëzoi një top të kthyer duke realizuar gol me një goditje të fuqishme.

Për ish-anëtarin e Dritës, Prishtinës dhe Ferizajt, ky ishte goli i parë në elitën e futbollit skocez me fanellën e Aberdeen.

26-vjeçari ka luajtur në 13 ndeshje këtë edicion në kampionat, ku ka shënuar një gol dhe ka asistuar në një tjetër.

🔴 Oh we do love a Friday night at Pittodrie. COYR!#StandFree | #cinchPrem pic.twitter.com/d7ZMndHEPt

— Aberdeen FC (@AberdeenFC) November 4, 2022

Reprezentuesi shqiptar është ndër mesfushorët më të mirë dhe më të vlerësuar në Skoci.

Pas fitores ndaj Hibernian, Aberdeen ngritët në pozitën e tretë në tabelë me 22 pikë të grumbulluara, shtatë më pak se Rangers dhe 11 më pak se Celtic. /Telegrafi/

Aberdeen 3 Hibernian 0 pic.twitter.com/GcLRsuiayo

— Jungle Lover. (@kirkwallkid) November 4, 2022